باسكێت بۆلا زاخۆ چاڤ ل سەركەفتنا ئێكی یە
شاهۆ فەرید:
بڕیارە سوبەهی ئەینی پێنج یاریزانێن پارێزگەها دهۆكێ بۆ یارییا لەشجوانیێ پشكداری قارەمانییا نێڤدەولەتی یا ئێن پی سی یا ڤەكری دا بكەن، ئەوا دێ هەڤڕكیێن وێ ل باژێرێ ئەزمیرا وەلاتێ توركیا هێتە ئەنجامدان.
نەسەرت نێروەیی راهێنەرێ یارییا لەشجوانیێ بۆ رۆژنامەیا ئەڤرۆ دیار كر، ب نوونەراتییا پارێزگەها دهۆكێ تیما مە ب پێنج یاریزانێن خودان شیان دێ پشكداری قارەمانییا نێڤدەولەتی یا ئێن پی سی یا ڤەكری ئێك ژ قارەمانیێن بناڤودەنگ ب هێز ئەوا دێ ل باژێرێ ئەزمیرا وەلاتێ توركیا هێتە كرن، وەكو تیما پارێزگەهێ بوو ماوەیێ حەفت هەیڤە ئەم یێ بەرهەڤیێن خوە ب شێوەكێ رێكخستن دكەین سەرپەرشتییا هەر پێنج یاریزانێن خوە دكەم.
هەروەسان ناڤهاتی گۆت: پشكدارییا یاریزانێن مە دێ ل سەر دو ئاستێن جودا بیت ئەو ژی فیزیكی و دو بۆدی بۆلدین و ئێك ژی بادی كلاسیك بیت، ئەوا چاڤەڕێ یە بۆ ماوەیێ سێ رۆژان بەردەوامبیت، من باوەری ب شیانێن یاریزانێن خوە هەیە ب جوانترین شێوە دێ هێنە نیشاندان و گەشبینم دێ پلەیێن باش ب دەستڤە ئینن و ناڤێ دهۆكێ و كوردستانێ خوە بلند كەین.
