شۆڕەشا ئیلۆنێ بەرێ بنیاتێ ئاڤاكرنا هەر چوار پارچەیێن كوردستانێ دانایە
ديدار، سالار محةمةد دۆسكى:
2 – 4
ژ نیشكەكێ ڤە من دیت پیرەمێرەكێ دهێت ب جلكێن كوردی و دو دەرسوكێن سەری و گوپالەكێ د دەستی دا و سلاڤكر وی دەمی من نەدیت بوو، و بتنێ مامێ من پەیوەندی ل گەل هەبوون، و پرسیارا مامێ من حامد كر من گۆتێ ل مالە بەلێ نوكە ل گەل چەند كەسێن خەلكێ گەڤەركێ یێ سەر ڤێ مللێ دا هاتینە دەف و پیرەمێری گۆت دێ بهێنا خوە لدەف تە ڤەدەم، و ئەژی چووم من ئاڤ بۆ ئینا و من گۆتێ توویێ وەستیایی گوت بەلێ ب پیا هاتیمە ئەو جهێ ژێ هاتیم و ئەم چووینە گوندی رونشتینە خوارێ وەكی دوشكەكی بوو، و ژ نیشكەكێ ڤە مامێ من هات و چوونە دەستێ ئێك و دو و حجی عومەر گۆتە مامێ من من شولەكێ ب تەهەی و گۆتێ فەرموو چوونە وێڤەتر و ئاخفتن، و دوڤدا مەزانی و گۆتێ( عادل مزیری و مەحمود ئێزدی) هاتینە و یێن لینك مە، و مامێ من گۆتێ دروستە و مامێ من گۆتی هەسپی بینە و حجی عومەری سوار بكە و بگەهینە جهێ وی، و چووینە مالا وی ب مەرەما گەهاندنێ چووم هەر دو پێشمەرگە (مەحمود ئزدی و عادل مزیری) هەر دو درینشتی نە و من نیاسینی (عادل) من نیاسی من زانی یێ دەڤەرا مەیە، و ناڤێ بابێ وی (ئەحمەد)ە وی ئەز نەنیاسم و چوومە دەستی و گەلەك كەیفا وی هات و ئێڤارەكا درەنگ بوو، و هندەك خارن بوومە ئینان و من گۆتێ دێ رابم چم و حجی عومەر گۆت دێ مێهڤانەك ل گەل تە هێت محمود ئێزدی دەرسوەكا شین سەری بوو، و دەمانجەك ڤێ بوو و چانتەك مللی بوو و بێ پارە بوو، محمود ئێزدی سوار بوو ل هەسپی هاتینە (بامەرینكێ) بابێ من بابێ مەحمود دنیاسی، چونكە گوندێن مە نێزیكی باعەدرێ نە وما دەف مە و رۆژا دوڤدا باب و مامێن من گۆت دڤێت تو ل گەل بچیە ناڤ هندەك مرۆڤێن مە ل (گەڤەركێ، نسرا، هەسنەكا، كانیا باسكا، سوریا) دڤێت ئەڤە ل ئەڤان گوندان هەمیان بگەریت، و ئەم ژی چووین و مە پەیام گەهاندن و ئەڤە هێڤن بوو و رهێن وا بەلاڤ بوون و تێژك دان و هەمی عەردا بەلاڤبوون.
پێشمەرگەیێ شۆرەشا گولانێ هەروەسا گۆت: ل سالا 1976 هەیڤا حەفت ل گەلیێ قیامەتێ ئەم هاتین رەبیەك هەبوو وی دەمی ئەو دەڤەر جهەكێ گەشتیاری بوو و رەبیە ل هنداڤ گەلیێ قیامەتێ بوو بۆ پاراستنا وی جهێ گەشتیاری، و ئەم هاتین(ئەمین نسری) خودێ ژێ رازی بیت شەهید بوویە، (كچا محەمەد رەشید رەبەتكی) ناڤێ وێ (گولێ) بوو وی چەندی قوناغا ناڤنجی ب دووماهی ئینا بوو، وی دەمی ئەو كچ یا رێكخستی بوو وی دەمی هاتن و چوونا ترۆمبێلا نەبوو ئەو رابوون ب رێكا چوونا ئەتریش، و ئێكی ژی دگۆتنێ (عەلی) ئەو هاتن چوونە پێش رەبیێ و هاتن گوتن چەند جندیەكێن تێدا و دوڤدا هەڤالێن مەیێن كێستەیی هاتن(مراد و مستەفا، حسن و مستەفایێ بچیك و قادر) گەلەكێن دی ناڤێن وا ل بیرا مینن و ئێكەم تڤەنگا هاتیە هاڤێتن ل كوردستانێ و دەڤەرا بەهدینان ل شۆڕەشا گولانا پێشكەفتنخواز ل وێ دەڤەرێ هاتیە هاڤێتن، و چەند جندی رەبیێ دابوون و ئێك سەید بوو و دەمانجەكا ژمارە حەفت ڤێ بوو، و خەلكێ باشورێ ئیراقێ بوو و ئەو هاتە كوشتن و بتنێ(حەسەن كێستەی) ل گەل مە بریندار بوو، و ئەم زڤرینە ڤە و كەیفا خەلكی ژی گەلەك هات.
شەریف باڵەتەیی بەحسێ كەسایەتی یا وەیسی بانی دكر و گۆت: نینە مرۆف ژ وەیسی بانی كورد پەروەرتر و نشتیمان پەروەر تر بۆ كوردستانێ نەبوون، و مرۆڤەكێ جامێر بوو و هەمی سالوخەتێن باشیێ هندی من دیتی ل دەف ڤی مرۆڤی هەبووینە، و ئەڤە ل گولانێ یە و ل سالا 1977 ژ ئیرانێ هات و رەوشتێ وی یێ كوردینی یێ بوو، و بتنێ خالەكا وەیسی بانی دێ بێژم ئەم ل گوندێ (گیزێ) بووین ل مالا جەرگیسێ گیزی، و یێ بەرنیاس یە و برایێ وی (حجی عەلی) حوكمەتێ هنارت گۆتن بلا وەیسی بانی بهێت خوە رادەستی حوكمەتێ بكەت، و (حجی عەلی ) هات و گۆت وەیسی من كارەكێ ب تەهەی گۆتێ حەجی عەلی ل ڤێرە بێژە ئەم هەمی ئێكین، و هەتا ئێڤاری ئەم زێرەڤانیێ ل ئێكودو دگرین، و چ تشتێ ڤەشارتی نینە و هەر چوار برازیێن منن، حەجی گۆتێ خێزانا تە یا دەستەسەركری و دێ بەنە باشورێ ئیراقێ ، وەیسی كرە كەنی، وەیسی گۆتێ حەجی عەلی هەكە كوردینی ب سەركەفت دێ 100 خێزان من هەبن و هەكە كوردینی نەما هەكە من 50 خێزان هەبن دێ بەعسی دەستەسەركەن، و خوە رادەست ناكەم ئیلا ب شەهید بوون بهێم، و ئەڤە نیشانێن مرۆڤێن كورد پەروەر بوون و چ سیفەتێن باش ل دەف ڤی مرۆڤی هەبوون، و بتنێ پارتایەتی و كوردینی بوو وی گەلەك یا گرنگ بوو و وەیسەكێ دی دووبارە نابیت و گەلەك مێر بوو .
