بڕیارا نەمانا ڤیزێ بۆ دو تەمەنان دێ دراڤێ رەوان یێ هەرێمێ بەتە دەرڤە
پشتی وەزارەتا دەرڤە یا وەلاتێ توركیا و ئیراقێ بریار دای ڤیزە دێ بۆ دوو ژییێن دەستنیشانكری ب هەروە بیت ب ڤێ بریارێ خەلك و خودان كومپانی دكەیفخۆشن و پێشبینیێ دكەن ئەڤە بریارەكا باشە و د بەرژەوەندیا خەلكی و خودان كومپانیێن گەشت و گوزارێ دایە.
ئومێد شینو، خودانێ شین یێ خزمەتێن كونسولگەری و توریزمێ گۆت: ل دووڤ راگەهاندنا وەزارەتا دەرڤە یا وەلاتێ توركیا و ئیراقێ بریارە د ڤێ هەیڤێ دا ڤیزە بۆ كەسانێن دبن 15 سالیێ دا و د سەر 50 سالیێ دا ب هەروە بیت و نەمینت و دبینم ئەڤ بریارە د بەرژەوەندیا گشتی یا خەلكی و خودان كومپانی و نڤیسینگەهێن توریزمێ دایە و بەری نوكە ژی گەشتیارێن مە دچوونە توركیا، بەلێ ئەڤە دەمەك بوو ژ بەر چەند ئەگەران چوونا توركیا كێم ببوو، بەلێ پشتی ڤێ بریارێ دێ رەوش گەلەك باش بیت و دبیت نە وەكو بەرێ بیت ژی، چونكو دەرگەهێن قوتابخانەیان هاتنە ڤەكرن، بەلێ دێ باشتر بیت.
شینوی هێشتا ژی گۆت: هەتا رادەكی ئەم گرێدای مووچەیاینە و دبیت ئەم بازنەكا دوور بیت، بەلێ ئەم دبینین گەشتو گوزارگرێدای كاودانێن سیاسی و ئابوری یە و دبیت هەكە مووچە نەهێنە دان خەلكێ مەنەشێت چو كاران بكەت.
رێڤەبەریا گەشتوگوزار پلانێن خوە هەنە و ب شێوەكێ رێكخستی ل سەر دچن و گەشتێن توركیا هەردباش بوون، بەلێ یامە دڤێت پتر پشتگێریا نڤیسینگەه و كومپانیێن گەشت و گوزارێ بكەن و رێكخستنەكا باش بێخنە بابەتێن برنا گروپا و كونترولكرنا هندەك كومپانێن گەشتییاری و ب شێوازەكێ پاقژتر بهێنە رێكخستن.
ئیدریس مەحمود شارەزا د ورارێ گەشت و گوزارێ دا دبێژیت: بریارا نەمانا ڤیزێ بۆ دو تەمەنان د بەرژەوەندیا خەلكی و خودانێن كومپانی و نڤیسینگەهێن گەشت و گوزاری دایە، بەلێ د ناڤخۆیا هەرێما كوردستانێ دا ئابورێ هەرێما كوردستانێ دێ كێم كەت و توركیا ژی ئەڤ تشتە ب پلان دارشتیە د هەبوونا ڤیزێ دا و وەلاتێ توركیا ژی وەرارەكا دی یا گەشەیا گەشتوگوزارێ یە و دیسان راكێشانا گەشت و گوزاری و ئەم هەموو دزانین ئابورێ توركیا نوكە د قوناغێن نەباش دا دەرباز دبیت و وان دەلیڤەكا باش دیسان گەشتو گوزارا خوە پێشبێخن و دبینم ژ بۆ ڤێ مەرەمێ توركیا دێ قازانجەكێ باش كەت، چونكو نە ب تنێ خەلك دێ ژ هەرێما كوردستانێ چن، بەلكو دی ژ عیراقێ ب گشتی دێ چنە توركیا دناڤبەرا ژیێن دەستنیشانكری دا.
زێدەتر گۆت ژی: هەرێما كوردستانێ دهێتە دیاركرن رێژەیا 65% گەنجن و دەمێ گەنج گەشت و گوزارێ دكەت مەزاختیەكێ مەزن دكەن، بەلێ گەنج ب وی چاڤی بەرێ خوە نادەتێ و یێ خوین گەرمە پتر دێ گەشت و گوزارێ گەن بۆ وەلاتێ توركیا ژ دانعەمران و مەرج نینە هەر كەسەكێ چوو وەلاتێ توركیا ژ بۆ مەرەما گەشتو گوزارێ یە، چونكو گەلەك كەس ژ بۆ مەرەما چارەسەریێ دچن.
