ب دربێ ئێخستنێ دۆبوا بوو قارەمانێ جیهانێ
بۆكسڤانێ بریتانی دانیێل دۆبوا ناسناڤێ قارەمانییا جیهانێ بۆ كێشا گران ب دەستڤە ئینا پشتی د یارییا دووماهیێ دا سەركەفتی ل سەر هەڤوەلاتیێ خوە ئەنتۆنی جواشۆایی ب دربێ كەتنێ، د یارییا واندا ئەوا ل دەپێ شەڕی یێ ویمبلی ل پایتەختێ ئەنگلتەرا لەندن ب بەرهەڤبوونا 96 هزار ژ پشتەڤانان هاتییە كرن.
د گەڕا ئێكێ دا دۆبوایی شیا بۆكسەكا ب هێز ل جۆاشوای ب دانیتی و ئێكسەر بێخیتە ئەردی دادڤانێ یاریێ هژمارە هەشت بلندكر ئانكو بتنێ هەشت چركە بۆ یاریزانێ كەتی دەلیڤەیە ڕابیت، د گەڕا دویێ دا دۆبارە دۆبوایی دەربەكێ دی دانا هەڤڕكێ خوە و شیا پێشكەڤیت، د گەڕا سێیێ دا بەردەوامی دا پێشكەڤتنا خوە بەرانبەر بێهێزییا جۆاشوایی، سەرباری گەڕا چارێ لڤینەك ژلایێ جۆاشوایی پەیدابوو لێ د گەڕا پێنجێ دا ئەو ابتنێ 59 چركە ڤەكێشایی و دۆبوایی شیا ب دربێ كەتنێ یاریێ ب دووماهی بینت و ببیتە قارەمانێ جیهانێ بۆ یارییا بۆكسانێ.