شۆڕەشا ئیلۆنێ بەرێ بنیاتێ ئاڤاكرنا هەر چوار پارچەیێن كوردستانێ دانایە
ديدار، سالار محةمةد دۆسكى:
4 – 4
سائیب زێباری هاتە هنداڤ سەرێ مە و پیچەكێ ژ خانی بلند تربوو، وەكی كوپەكی بوو و هاریكارێ وی ژی ل هنداڤ سەری بوو، گۆت شەری راوستینن و ئێك ل پشت مە بوو یێ سوورا بوو ملازم عەلی بوو و ب عەرەبی دئاخفت خەلیلی ل گەل مە عەرەبی زانی و گۆت سائیب یێ دبێژیت جارێ شەری راوستینن، دێ گەل ئەڤان ئاخڤم و گازی مە كر، وگۆت هوون كوردن و ئەز ژی كوردم زێباری مە و سەر بەختێ سەدام حسێن سەرۆك كومارێ ئیراقێ خوە رادەستی من بكەن، و سوز بیت ئێك ژی نەبێژیتە هەوە پێلاڤا پێ هەوە یا خوارە، گەلەك كرێت دئاخفت و ئاخفتنێن نە جوان گۆتنە سەركردە (مەلا مستەفا بارزانی و مەسعود بارزانی و جەلال تەلەبانی) و برایێ من سەعید باڵەتەیی، گۆتێ تو ب دووماهی هاتی، گۆت بەلێ، سەعیدی گۆتێ ئەم پێشمەرگێن كەسەكێ نینن ئەم پێشمەرگێن مللەتێ كوردین راستە دیراسەت و رەوشت مە ژ مەلا مستەفا بارزانی وەرگرتینە و پێ رابوون ئەم پێ رابووینە، و هەكە ئەم بەرەڤانیێ نەكەین دێ ژنكێن هەوە بخوە بەن، و تو ژی سەربەختێ مەلا مستەفا بارزانی خوە رادەستی مە بكە، ئێكسەر سائیب فەرمان دا گۆت لێدەن و ئێكسەر برنویەک ب ئەنیا هاریكارێ وی كەفت هاتە كوشتن، و شەڕی بەردەوام بوو هەتا هەشت و نیڤی شەڤێ و خودێ هوسا حەسكر بایەكێ گەلەك شدیایی رابوو، و ئەوا دورێن مە هەمی گرتینە، خەلیلی ل سەر چەنگا خوە كێشا دەف ئەمینی وا گۆت دێ چین و دێ بزاڤا قورال بوونە كەین، و بتنێ ئەم بووینە چار ئەز و خەلیل و سەعید و ئەمین و ئەوا گۆتن ئەم سێ دێ چین گەلیی دا و ئەگەر ڤی ماوێ دیاركری دا ئەم گەهشتینە بن وێ دارێ پاش توژی وەرە، و ئەم چووین ژ وی دەمی ئەوا گۆتی چ تشت چێنە بوو و من گۆتە هەڤالێن خوە دێ رابم چم و دا ژبیر نەكەم دەرزیكێن (29) تڤەنگا من ئینانە دەر و من هەلگرتن، و من گۆت ئەم نەشێین تڤەنگا هەلگرین و هەكە سوبە بێژین ئێك بهێت وەنینە دێ بێژم ئەڤە بتنێ ئەوێن كەفتینە دەف مە، و ئەڤە شاهدن و ئەز و هەڤالێن خوە چووین، و ئەز و ئەمین ماینە ل دوماهیێ و ژ بەر بهێنا خوینێ روح ژ ئەمین چیت و دێ هزر كەی ئەڤە دەهـ رۆژە مریە، و پشتی هەڤالێن بەرا مە گەهشتینە دەف خەلیلی وان گۆتێ كانێ گۆتنێ ئەمین شەهید بوویە، و ئەوێ دی ژی گۆت ئەز ناهێلم و ناهێم و گۆت نابیت و سەعید جارەكا دی ژ جهێ خوە زڤری ڤە و هەر گاڤەك سالەك، و نەبتنێ ب دەڤی هوسا دهێتە گۆتن تو دناڤا لەشكرێ دوژمنی دا هاتن و چوونێ بكەی، و هەمی دورێن تە دگرتی نە تشتەكێ گەلەك ب ساناهی یە، و هاتە دەف مە و ئاڤ ب سەرۆچاڤێن ئەمینی دا كر و رابوو و هشیار بوو، و ئەم پێكڤە چووین و هەتا بتنێ ئەم ژ چوكێ دەربازبووین مە پێ خو دانا سەر پتر ژ پازدە كەلەخێن دوژمنی، كو هاتبوونە كوشتن و رەنگە زێدەتر هەر ب دەستێن وان هاتینە كوشتن، و بەتەن بوو هەچیێ كوشتن دهاتە جوكێ دا و بایەكێ گەلەك دژوارێ دهێت و ەكی مژێ یە و كەسەك كەسێ نابینت و هەر هەمی لەشكر ژی ل جهێن خوە نە و دورێن مە گرتینە، ژ وێ دەڤەرا ئەم پێكڤە گەهشتینە ئێك هەتا گوندێ (صوریا) ئگەر گەنجەك ب یت ژ دەمژمێر و نیڤا كێمتەر و دەمژمێر نەهـ و نیڤ ئەم ژ وێرێ هاتین، ئەم چار و نیڤی سپێدێ گەهشتینە گوندێ (صوریا) و نە نان و ئاڤ مە ڤەخوار بوو، و مە داخواز ژ خەلكێ گوندی كر كو هەر ئێك ژ مە كوپەكا شیری بدەنێ و ئەمینی گۆت بتنێ شیری بدەنێ مالا حەسەنی بوو، یێ چوویە بەردلوڤانیا خودێ خودێ ژ هەمیان رازیبت، و هندەك نان بوومە كومكر و ئەم هاتینە پشتا كانیا باسكا و ئەم ماینە وێرێ.
هەمان پێشمەرگەیێ شۆڕەشا گولانا پێشكەفتنخوار ، ئەو ژی دیاركر: ئەڤ مللەتە ب رەنگەكی بوو نە زارۆك، نە كور، نە كچ، نە ژن بتنێ كوردینی و پارتایەتی ل دەف یا پیرۆز بوو و تایبەت بەرێ گارەی و شۆڕەشا گولانێ بتنێ بەرگارەیی یا ب سەر ئێخستی ئەڤێن دی هەمی ژ خوە وەبێژن هەبوون دلسوز، بەرێ گارەی 13 گوندن ئێك مرۆڤێ خراب تێدا نەبوو ئەڤە گەلەكا مەزنە، و گوندێن مە رەنگە هەر گوندی 10 رەفیق تێدا بوون، و ئەڤە تشەكێ گەلەك مەزنە چوون ب تەڤركی گەنم چاند و دهێرا و دهاتن ب دەڤێن مەدا دكر، و دەمێ ئەم چووینە وێرێ هزر بكە وەك نوكە تو ژ كوردستانێ بچیە ئەمریكا هوسا جوداهی هەبوو، بەرواری ژووری ژی لایێ نزار كوردینی و رێڤەبرن ل وێ دەڤەرێ ب رێڤەچوو و دو مرۆڤ بتنێ خراب بوون، ل دەڤەرا بەرواری یا ئێك كوشت و ئێك رەڤی هاتە دهۆك و ئها ئەڤە خەلكێ مە بوو.
پێشمەرگەیێ هەر دو شۆڕەشێن ئیلۆن و گولانێ، هەروەسا گۆت: ئەم پێشمەرگە و ئەڤێن مە خەباتكری ئەم خودانێن ڤێ ئاخێ نە و گەلەك هەنە گرێبەستن ئەوێن ب مونیكا دهێن و دچن، و ئەم خودانین هندی ئەم ساخ دێ بەرەڤانیێ ژ ئاخ و كەرامەتا مللەتێ كورد كەین و ئەڤرۆ رۆژەكا چارەنڤێسازە و نە ئەز پارتی مە مەتحێن پارتی دكەم، باوەركە پارتی نەبن ئێك هزرا زلكەكێ شخاتێ ژی وە كورد بوو مە ناكەت، پارتی باش بن خراب بن من شولەش وێرێ نینە، ئەڤرۆ دڤێت وێ دەفتەرێ ب قولپینن ب خودێ سیند دخووم دێ دوژمن هێنە ڤێرێ و دێ كارێن كرێت بە سەرێ ڤی مللەتی ئینن، و خەلكێ ب كەیفا خوە یە و نابێژم كێماسی نین بەلێ هەنە بەلێ ئەم دبینین یا چەوا یە و باوەركە ئەڤا دبێژم دێ دویفرا هێت، و گەلەك كرێت یا دیارە و دڤێت ئەم هەمی دەستێن ئێك دو بگرین و بچینە سەر ئەڤان سندوقا دا چاڤێن دوژمنی بینە دەرێ، و بەلكی ئەو ژی ل خوە بزڤرن ئەڤ مللەتە گەلەكێ دلسوز وفادار ە بۆ ئاخ و وەلاتێ خوە، و گەلەك قوربانی داینە بۆ ئازادی یا ڤێ ئاخێ و بزڤرن بۆ باشیێ و مە سوز داینە هندی ئەم ساخ ئەم بەرەڤانیێ ژ وەلاتێ خوە بكەین.
جهێ ئاماژەكرنێ یە پێشمەرگەیێ هەر دو شۆڕەشێن ئیلۆن و گولانێ شەریف مەحمود عەبدی باڵتەیی، ل سالا 1956 ل گوندێ باڵەتە ژ بنەمالەكا كوردپەروەر ژ دایك بوویە، ژبەر كاودانێن وی سەردەمی نەشیا بچیتە بەر خواندنێ و هێشتا ل ژیەكێ گەلەك بچیك چەكێ شەرەفێ دهەلگریت، و دبیتە پێشمەرگە و چەندین شەر و داستان و چالاكیێن مەزنێن پێشمەرگەی پشكداردبیت، و ل نسكۆیا سالا 1975 خوە رادەستی حوكمەتا بەعس ناكەن، و ل دەڤەرێ دمینن و پشتەڤان و هاریكاریا سەركردایەتی یا بەروەخت دكەن، و گرنگیەكا مەزن ب شانێن نهێنی دەن و دەڤەر بۆ دەڤەرێ و شۆڕەشا گولانێ رۆلەكێ هەرە مەزن دگێریت، و چەندین شەرێن پارتیزانی دا پشكداردبیت و بریندار دبیت، و بەردەوامیێ دەتە خەباتا خوە و هەتا ئەڤرۆ ب هەمان هزر و بیر وە باوەرێن كوردینێ ل سەر خەبات و ڤیانا خوە بۆ ئاخ وەلاتی یێ بەردەوامە.
