ب ڤێ رێ ئه‌نترنێتا مۆبایلا خوه خۆشتر لێ بكه
د نها دا، مۆبایلا زیره‌ك ئێك ژ گرنگترین كه‌رستێن مرۆڤایه، دشیان دایه د رێیا ڤی ئامیری دا، كونترۆلا پتریا تشتان بكه‌یی هه‌كه نه‌هه‌میان بیت. ئاخفتن ل گه‌ل كه‌سان ب رێیا ده‌نگ و ده‌نگ و ره‌نگ و نامێن نڤیسینی و ده‌نگی و هه‌تا ده‌نگ و ره‌نگ ژی و كاركرنا ل مال یان هه‌ر جهه‌كی بیت و دیتنا ڤیدیۆیا و گوهداریا میوزیكی و خواندنا بابه‌ت و ده‌نگوباسان و گه‌له‌ك تشتێن دی ژی.
ل گه‌ل ڤێ چه‌ندێ ژی نه‌شێی ڤان هه‌موو كاران بكه‌یی وه‌كو ته بڤێت، هه‌كه ئه‌نترنێته‌كا باش نه‌بیت، ده‌ما ل مال بی یان نڤیسینگه‌هێ، زێده‌تر ئه‌نترنێتا وای فای بكار دئینی، به‌لێ هه‌كه یێ دووری وان جهان بی، نه‌شێی مفای ژ ڤێ چه‌ندێ ببینی.
دبیت د نها دا، نه‌خۆشترین هه‌لویست ئه‌و بیت، مۆبایلا ته یا بێ ئه‌نترنێت بیت، ب تایبه‌ت هه‌كه ل ده‌ڤه‌ره‌كێ یێ ب تنێ بی یان د گه‌شته‌كا دوور دابی یان ل جهه‌كی بی و هێلا ئه‌نترنێتا وای فای ل وێرێ نه‌بیت.
دێ چ كه‌یی دا هێلا ئه‌نترنێتا ته خۆش بیت؟
فێلا ئێكێ: دبیت پتر یا كارا بیت، بكه ره‌وشا فرینێ (ئایه‌ر مود) و ب ڤه‌گه‌رینه‌ڤه. د ماوێ تو ڤێ چه‌ندێ دكه‌یی دا، تو مۆبایلا خوه نه‌چار دكه‌یی ژ ناڤ هێلا ئه‌نترنێتێ ده‌ركه‌ڤیت و بچیته د ناڤ دا ڤه و ب هێز ڤه، ئه‌ڤه ل وی ده‌می گه‌له‌ك كارێ خوه دكه‌ت، ده‌مێ ئه‌نترنێتا ته تۆڕا وێ یا خۆش و نه‌خۆش ئانكو دهێت و دهێته بڕین.
بۆچی ئه‌ڤ ره‌وشه؟ چونكو ده‌مێ ب ڤی كاری رادبی، هه‌موو نیشانێن لاسكلكی یێن مۆبایلێ ب ته‌مامی دهێته بڕین ژ وان ژی تۆڕێن مۆبایلێ، دبیت ئه‌ڤه ژی به‌هرا هندێ هه‌بیت كو ئاریشا ته چاره ببیت، به‌لێ هه‌كه چاره نه‌بوو، رێیێن دی ژی یێن هه‌ین.
هه‌كه ئه‌ڤ فێله سه‌ر نه‌گرت، بزاڤێ بكه هه‌ره جهه‌كێ دی، ئانكو چه‌ند مه‌تران یان پێنگاڤان جهێ خوه ب گوهۆڕه، ژ به‌ر كو هنده‌ك جاران ژ جهه‌كی بۆ جهه‌كێ دی یێ نێزیك جوداهیه‌كا مه‌زن یا نیشانا ئه‌نترنێتێ یا هه‌یی.
ل دووماهیێ، یێ پشت راست به، كا پاتریا مۆبایلا ته چه‌ند یا داگرتی یه، دبیت ره‌وشا دابینكرنا وزێ یێ كارا بیت، ئه‌ڤه ژی دبیت هنده‌ك ژ خزمه‌تان رابگریت و ژ وان ژی (فور جی) دا كو ژیێ مۆبایلێ یێ درێژ بیت و ب ڤێ چه‌ندێ ژی هێلا ئه‌نترنێتێ لاواز دبیت.
دبیت نه‌بوونا نیشانا ئه‌نترنێتێ د ناڤ مۆبایلا ته‌دا، ته بێ زار كه‌ت، به‌لێ هه‌كه ڤان فێلان بكه‌یی، دبیت نیشانا ئه‌نترنێتێ ل ده‌ف ته باشتر دیار كه‌ت و ئه‌نترنێتا مۆبایلێ باشتر كار كه‌ت.
