دێ كاری بۆ دابینكرنا جهێن ئاكنجیبوونێ و ژیانەكا باش بۆ خەلكێ كێمدەرامەت كەین
دهۆك، لەزگین جۆقی:
بەربژارێ ژمارە ( 2) ل سەر لیستا (190) یا پارتی دیموكراتی كوردستان، ئیسماعیل حەمۆ عەبدلكەریم یێ بەرنیاس ئەبو حەمۆ كوڕێ شەهید حەمۆ كەمەكی، تایبەت بۆ رۆژناما ئەڤرۆ ڕاگەهاند، دێ كاری ل سەر بەرنامێ پارتی دیموكراتی كوردستان كەین، ب تایبەتی بۆ پاراستنا قەوارەیێ هەرێما كوردستانێ هەروەسا دێ هەموو شیانێن خوە بۆ پشتەڤانیا مافێن خەلكێ كوردستانێ د ناڤا هۆلا پەرلەمانی دا كەین.
بەربژارێ ژمارە (2) ل سەر لیستا (190) پارتی دیموكراتی كوردستان گۆت: هەردەمێ من باوەریا خەلكێ وەرگرت سۆز بیت پتر خزمەتكرنا ب رێیا قانوونێن تایبەت بۆ گەنج و لاو و ئافرەت بكەین، زێدەباری دیتنا دەلیڤەێن كاری و دامەزراندنا كارگەها و گەشەكرنا و گەشەكرنا كەرتێ گەش وگوزارێ، پشتەڤاینا كەرتێ پەروەردێ و ساخلەمیێ و هەموو سەكتەرێن ژیانی دێ كەین، بۆ پتر خزمەتكرنا خەلكێ كوردستانێ.
ئیسماعیل حەمۆ عەبدلكەریم بەربژارێ ژمارە (2) هەروەسا دیاركر، بۆ ب دەستڤەئینان و پاراستنا دەستكەفت ومافێن خەلكێ كوردستانێ دێ ل هەۆلا پەرلەمانی خەباتێ كەین، لیستا 190 لیستا هیڤی و ئۆمێدێن خەلكێ كوردستانێ یە، هێزا ئاڤەدانی و ئارامی و پێكڤەژیانێ یە.
بەربژارێ ژمارە (2) زێدەتر گۆت: دێ كار و بەرنامێ مە بۆ پتر پشتەڤانی و خوەشكرنا ژیان وژیارا خەلكێ كوردستانێ بیت، دێ بزاڤان بۆ دانانا كار و بەرنامەیێن دابینكرنا جهێن ئاكنجیبوونێ بۆ خەكێ دەستكورت و كێمدەرامەت كەین، هەروەسا خزمەتكرنا تایبەت بۆ كەسانێن دانعەمر و خودان پێدڤیێن تایبەت دجڤاكێ كوردستانێ دا هەبیت.
ئیسماعیل حەمۆ عەبدلكەریم ل سالا 1972 ژ خێزانەكا خەباتگێر و كورد پەروەر ژ دایك بوویە، سالا 1975 ئاوەریی وەلاتی ئیرانێ ل گەل خێزانا خوە بوویە، ل سالا 1987 ل گەل بابێ خوە بوویە پێشمەرگەه، كارگێرێ لژنا برایەتی و ئەندامێ ئێكەتیا قوتابی و لاوان بوویە و دناڤرێزێن پێشمەرگەیێ دا پلێن بلند وەرگرتینە، هەتا پلا عەقیدێ لەشكری سەر ب زێرەڤانیێ ڤە وەرگرتیە.
