ئەنجامێن زانكۆلاین دێ هێنە راگەهاندن
هەولێر، قائید میرۆ:
پەیڤدارێ وەزارەتا خواندنا بلند و ڤەكۆلینێن زانستی ئاشكرا كر، وەزارەت مژوولی پێداچوونێ یە د فۆرمێن زانكۆلاین دا و دبێژیت: د ڤان رۆژێن بهێن دا ئەنجامێن زانكۆلاین دێ هێنە ئاشكراكرن و قوتابی دێ دەست ب دەوامێ ل زانكۆ و پەیمانگەهان كەن.
عەباس ئەكرەم، پەیڤدارێ وەزارەتا خواندنا بلند و ڤەكۆلینێن زانستی بۆ رۆژناما ئەڤرۆ دیاركر، ئەڤ سالە قوتابیێن دەرچوویێن ئامادەیی ل دەڤەرێن كوردستانی ژی شیاینە فۆرمێن زانكۆلاین تژی بكەن و گۆت: «پشتی پێداچوونێ و راگەهاندنا ئەنجامان قوتابیێن دهێنە وەرگرتن دێ دەست ب دەوامێ ل زانكۆ و پەیمانگەهێن هەرێما كوردستانێ كەن».
عەباس ئەكرەم گۆتژی: «ل سالێن بۆری ل هەموو زانكۆ و پەیمانگەهێن سەر ب حوكمەتێ و یێن ئەهلی ژی ڤە داشكاندن بۆ كرێیا خواندنێ هاتبوو كرن، ئەڤ سالە ژی داشكاندن بۆ كرێیا خواندنێ دێ هێتە كرن».
