102 سالیا دامەزراندنا ناوچەداریا دێرەلۆكێ دێ هێتە ساخكـرن
ئامێدیێ، مەحمود نهێلی:
پشتی دەربازبوونا 102 سالان ل سەر دامەزراندنا ناوچەداریا دێرەلۆكێ، سەنتەرێ دێرەلۆك یێ رەوشەنبیری ب هەڤكاری ل گەل رێڤەبەریا ناوچەداریا دێرەلۆكێ، ب چەندین چالاكیان دێ ڤێ هەلكەفتێ ل رۆژا 15/10/2024 ساخكەت.
ئەمیر حەسەن، بەرپرسێ سەنتەرێ دێرەلۆكێ یێ رەوشەنبیری بۆ رۆژناما ئەڤرۆ دیار كر، ب هەلكەفتا دەربازبوونا 102 سالان ل سەر دامەزراندنا ناوچەداریا دێرەلۆكێ، وان ب فەر دیت ڤێ رۆژێ ساخ بكەن و گۆت: «ئەم ب هەڤكاری ل گەل رێڤەبەریا ناوچەداریا دێرەلۆكێ دێ رێورەسمەكی ئەنجام دەین كو د كەڤیتە 15ی چریا ئێكێ و تێدا پەرتۆكەك بناڤێ دێرەلۆك، دێرۆك و جوگرافیا و پێكهات یا نڤیسەر سەردار هێتووتی دێ هێتە ئیمزاكرن».
