ل دەستپێکا شۆرەشا ئیلۆنێ گەلیێ زاخۆ هاتـە ستانـدن
ديدار، سالار محةمةد دۆسكى:
1 – 3
پێشمەرگەیێ هەر دو شۆرەشێن ئیلۆن و گولانێ، بەحسێ زولم و زورداری یا حوكمەتێن ئیراقێ دكەت، هەر ژ دەسپێكا شۆرەشا ئیلۆن و گولانێ و سەرهلدانێ، و ئەو زولم و زورداری یا ل مللەتێ كورد هاتیەكرن و نەچوون بۆ سەر سندوقێن دەنگدانێ ب خیانەت ل خوینا شەهیدان دەتە زانین، و داخوازێ ژ هەمی خەلكێ كوردستانێ دكەت بچنە سەر سندوقێن دەنگدانێ و دەنگی بدەنە لیستا (190) یا پارتی دیموكراتی كوردستان.
پێشمەرگەیێ هەر دو شۆرەشێن ئیلۆن و گولانێ، مەحمود ئەبابكەر حەسەن هروری، بەرپرسێ دەزگەهێ ئیلۆنێ و گولانێ ل پارێزگەها دهۆك بۆ رۆژناما ئەڤرۆ گۆت: ل دەسپێكا شۆرەشا ئیلۆنێ ل سالا 1961ێ و دەمێ پێشمەرگە هاتی و دەرباز بوویە ناڤ نێروەیی و بەرواری یا گەهشتمە پێشمەرگەی و ئەم ل گەلیێ سپیندارێ چووینە تاژیكا وی دەمی گەلەكێ گەنج بووم و ئەم نێزیكی (30) پێشمەرگان ژ گوندێ هرورێ ل گەل پێشمەرگەی و خودێ ژێ رازی (مەلا مستەفا بارزانی) چووین، چووینە دەڤەرێ هاتینە ئەتریش و قونتەرا ئەتریشێ پێشمەرگەی ستاند و چەكەكێ باش كەفتە دەستێ پێشمەرگەی و مورا پێشمەرەگەی گەلەك بلند بوو و رەنگە وی دەمی پێشمەرگە زێدەتر بوو ژ (500) كەسان، شەرێ ئەتریش و چەندین شەرێن دی كو پێدڤی ناكەت ناڤێن وا بێژم ئەز پشكدار بوویمە ل گەل پێشمەرگێ كوردستانێ و دوڤدا دەستیردان بوومە هاتیەدان و ماوێ هەیڤەكێ ئەم زڤرینە ناف بەرواری یا و دووف دا ئەم چووینە دەف (عیسێ سوار) وی دەمی ئەم ل گەل (هاشم میروزی) بووینە و دەڤەرا ئەم لێ دگۆتنێ (بێتاسێ) و پێشمەرگەكێ مەزن وێ دەڤەرێ بوو و ئەم ماین هەتا سالا 1962ێ وی دەمی هێزەكا مەزن یا دوژمنی هات و هەمی هزر و بیروباوەریچن دوژمنی ئەو بوون بهێن دەڤەرێ دورپێچ بكەن و بگرن و كونترۆلا دەڤەرێ بكەن چونكە وی دەمی پێشمەرگە بەرەف زێدەبوونێ بو هەر كەسەكێ تڤەنگەك هەبا دهات بوو پێشمەرگە و گەلەكا چەك نەبوو هەر دهاتن دبوونە پێشمەرگە وی دەمی شیانێن دارایێن شورەشێ ژی گەلەك سنوردار بوون و هەر خوارن و ڤەخوارن و ژین و ژیار هەمی ل سەر گوندان بوو، هەمان دەم هێزەكا مەزن یا پێشمەرگێ شورەشێ هاتە دەڤەرێ (سلێمانێ حاجی بەدری) ب هێزەكا مەزن ڤە و هێلا پشتێ(عەلی هالو و عیسێ سوار) گرتن و دوور وێ هێزا دوژمنی زڤرین و كونترۆلەكا مەزن ل سەر كر و (40) رۆژا ئەم ل بەر راوستیاین و مە نەهێلا حوكممەتا باتیفا ل گەل وێ هێزێ ب ناڤ ئێك كەفتن و دووماهیێ ئامر فەوجێ باتیفا هاتە كوشتن و نەچاربوون دەڤەر چولكرن و ب جه هێلان، وی دەمی هێزا (عیسێ و عەلی هالو) نێزیكی (2000) هزار پێشمەرگان هەبوو و گەلەكا بهێز بوو و نەدهێلان ئێك بزاڤا لەشكری ل دەڤەرێ بهێتەكرن.
هەمان پێشمەرگەیێ شۆرەشا ئیلۆن و گولانێ، بەحسێ شیانێن لەشكری و چەكی كر و گۆت: دەمێ ل دەسپێكا شۆرەشا ئیلۆنێ گەلیێ زاخۆ ژلایێ پێشمەرگەی ڤە هاتیە ستاندن گەلەك چەكێ گران گەهشتە دەستێ پێشمەرگەی و تایبەت دەمێ فوجا زاخۆ هاتیە ستاندن گەلەك چەكێ باش وەك (گولە تۆپ، فیشەك) هەر تشتێ گرێدایی هێزا لەشكەری هەر هەمی كەفتە دەستێ پێشمەرگەی و ئەم بهێز كەفتین و ئێدی مورا پێشمەرگەی ببلندتر لێ هات و ی دەمی ئەم هەمی گەنج بووین و زێدەتر مە خوە دیت ئەم مەقدور وەك مللەتێ كورد و مە چ هزر بۆ دوژمنی نەكرن.
ل دور خوارن و ڤەخوارنا پێشمەرگەی ژی، ناڤبری گۆت: وی دەمی گەنج دا چنە زووما و گوندان گەرن خوارن و ڤەخوارنێ بۆ پێشمەرگەی هینن و هەر خێزانەك لدیف شیانێن خوە و خێزان هەبووینە پێنچ و خێزان هەبووینە دەهـ| نانا و هەر ئێك ل گورەی شیانێن خوە دا دەنە ئەوا گەنجان و ل دانێ مەغرەب و تاریێ دا ئەو نان گەهیتە دەستێ مە ل سەر جادێ و ئەو گەنج هەر ئێك دا وی نانی بۆ هێزەكێ بەت و دا بەرپرسێن پێشمەرگەی ئەوی نانی ل سەر پێشمەرگەی بەلاف كەن و هندەك جاران دو نان و هندەك جاران نانەك دگەهشتە مە و مە ژی ئەو نان هندەكا جاران ب پیڤازێ یان ب فێقی دخوار و هەتا نەفسا مە پیچەكێ تێربوو و ئەم دشیاین هاتن و چوونێ بكەین وی دەمی ئەم گەنج بووین و هەر چ خوارن هەبا و هاتبا بەرمە مە دخوار و چوونكە مەهاتن و چوون ل چیا دكر و دەڤەرێ لێ دلێ مە گەلەكێ خوش بوو و بیرو باوەرێن مە ب دوزا مللەتێ كورد گەلەك ژ خوارن و ڤەخوهارنێ مەزنتر بوو و ئەم ماینە ل دەڤەرێ و مە نەهێلا دوژمن پێنگاڤەكێ پێشڤەچوونێ بكەت ل دەڤەرێ و هەتا حوكمەتا وی دەمی هاتیە شكاندن و پاشڤە هاتیە زڤراندن.
هەمان پێشمەرگە بەحسێ بیرهاتنەكا خوە كر و گۆت: شەرێ سالا 63 ل (پەراسیا) شەڤ و رۆژەكا مە نان نەخوار وی دەمی شەرێ (مەتینی) بوو و (ئەحمەد) بەرپرسێ مەبوو و ئەم گەلەك هیلاك بووین و برسی بووین و شەر بوو و خوارن ب دەست مە نەدكەفت و خوارنا مە ژ ئەوان رەز و بیستانێن خەلكی بوو و لێ هەر مە دەست نە داهێلان و ئەم بەر سینگێ دوژمنی راوستیاین و مە بەرەف ژ ئاخ و كەرامەتا كوردستانێ و خەلكێ كوردستانێ دكر.
