كەڤال رەنگان دخوازیت نەشێوەكار
هونەرمەندا شێوەكار نهاری ئەمین، د دیدارەكێ دا بۆ بەرپەرێ هونەری یێ رۆژنامەیا ئەڤرۆ دیار كر كو پتریا كەڤالێن وێ دەربرینێ ژ ئێش و ئازارێن ئافرەتان دكەت، چونكو ب درێژیا ژیانێ هەر ژدەستپێكێ ئافرەت بوویە قوربانی و هەتا نوكە ژی ئافرەت قوربانیا دابونەریتانە د ناڤ هەر جڤاكەكی دا نەبتنێ جڤاكێ كوردی، لەورا ئەم ئافرەت ئێش و ئازارێن خوە ب تشتەكی دیاردكەین هەم بۆ جوانی و هەم كەسێ بەرامبەر تێبگەهیت.
نهاریێ گۆت: شێوەكارێ راست و دروست ئەوە یێ كو هزرێن نوی بینیتە هەبوونێ و ب كەڤال نیشان بدەت و دیاركەت كو شێوەكاران هزرێن مەزن یێن هەین و دشێن داهێنانێ بكەن و نەبتنێ زارڤەكرنا هونەرمەندێن جیهانە و دەوروبەردكەن و ب كەڤالێن خوە كارتێكرنێ ل جڤاكی بكەت و كەڤالێن خومالی دمال و جهێن قەرمی ڤە ب هەلاویسن. ل دووماهیێ ژی گۆت: من چو رەنگێن دەستنیشانكری نین د هەموو كەڤالێن خوە دا ب كاربینم و هەر كەڤالەكێ ئەز دروستبكەم روودانێن ئەوی كەڤالی رەنگان دخوازن و كەڤالێن خوە دفرۆشم هەكە بكر هەبیت، بەلێ ب مەرجەكی دفرۆشم هەكە كەڤال ل جهەكێ بها بهێتە هەلاویستن و ب ڤی رەنگی دێ پتر شێم كەڤالان دروستكەم بتایبەتی هەكە داخوازبكەن و ل سەر داخوازیا وان دروستبكەم.