مهابات ب فرۆتنا كارێن خوه خه‌مگین دبیت
هه‌رهین محه‌مه‌د:
هونه‌رمه‌ندا شێوه‌كار مهابات جه‌مال، كو كارێ سیرامیكی دكه‌ت و خه‌لكا باژێرێ سلێمانیێ یه ددیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ دبێژیت: كارێ من یێ سیرامیكی ده‌ربرینێ ژ ئه‌وان ئافره‌تا دكه‌ن یێن كارێ سیرامیكی ب شێوه‌یه‌كێ مللی دكه‌ن و ل هه‌ر ده‌مه‌كی ژی هه‌بیت ئافره‌تا كورد كارێ مللی كریه، له‌ورا من ژی ڤیایه كارێن من بێهنا ئاخا مه بخوه ژێ بهێت و پتریا ئه‌و كارێن ئه‌ز دكه‌م گه‌له‌ك ده‌م پێ دچیت هه‌تا ب دووماهیك دئینم و كار هه‌بوویه هه‌تا دوو سالان ژی من كار ل سه‌ر هه‌تا ب دووماهیك هاتیه، ئانكو هه‌ر كاره‌كی ده‌مه‌ك بۆ دهێته دانان و هندی كار یێ ب زه‌حمه‌ت بیت پتر ده‌م بۆ دهێته دانان و به‌ری چه‌نده‌كێ پشكداری خولا شازدێ یا گه‌له‌ریێ بووم و من كاره‌كێ خوه نمایشكر پتری هه‌یڤه‌كێ من ل سه‌ر كاركر و ئه‌و كاره‌ژی ده‌ربرینێ ژ وێ چه‌ندێ دكه‌ت ده‌مێ ژن دروینته خارێ خوه ب كه‌ل و په‌لێن مللی ڤه مژوول دكه‌ت.
مهاباتێ گۆتژی: گه‌له‌ك كار من كرینه و بكر هه‌بووینه و من فرۆتینه و هه‌ر كاره‌كێ من ژ سه‌د دولاران ده‌ستپێدكه‌ت هه‌تا ده‌ه هزار دولارا و ده‌مێ كارێ من دهێته فرۆتن خه‌مگین دبم، چونكو هه‌ستپێدكه‌م زارۆكێن منن و من بخوه گه‌له‌لریه‌ك هه‌یه و تێدا كاردكه‌م و هه‌موو كارێن خوه ژی تێدا نمایش دكه‌م زێده‌تر ژی گۆت من سێ پێشانگه‌هێن تایبه‌ت ب سیرامی ڤه‌كرینه و سێ كارێن سیرامیكی ژی من هه‌نه و دناڤ پاركا ئازادی ل سلێمانیێ هاتینه دانان و نوكه ژی مژوولی كاره‌كی مه بۆ هونه‌رمه‌نده‌كێ مه‌زن كو بلندیا وی چارمه‌تره و فره‌هیا وێ سێ مه‌تر.
