پشتی حهفت سالان نزاری سۆز و پهیمانێن خوه ب كلیپهكێ نووكرن
ههرهین محهمهد:
سترانبێژ نزار دۆسكی، د دیدارهكێ دا بۆ بهرپهرێ هونهری یێ رۆژنامهیا ئهڤرۆ گۆت: ب مەرەما نووكرنا سۆز و پهیمانان ل گهل پارتی دیموكراتی كوردستان من ب گرنگ زانی بدهنگی خوه خزمهتهكا بچووك پێشكێش بكهم، ژ بهر كو لیستا 190 لیستا ئارامیێ و ئاڤهدانكرنێ و خوراگری و بهرخودانكرنێ، یه لهورا من ژی ب فهردیت ب ئهڤێ ههلكهفتێ كلیپهكێ چێكهم بناڤێ (بۆ پارتامه) كو ژ پهیڤێن یونس هروری و ئاوازێن من بخوهنە و مۆزیك مههدی مالتایی وێنهگر فهرسهت و ئهڤه چهند رۆژه هاتیه بهلاڤكرن.
ل دۆر نووترین كارێن خوه یێن هونهری نزاری گۆتژی: دبهرنامێ من دایه ئهلبۆمهكا شهش تراكی یا دهوات و شههیانان دروستبكهم و ههر دیسان ژی كلیپهكا دیژی لبهردهسته ئهو ژی ل دهمهكێ نێزیك دێ بهلاڤ بیت.
زێدهتر گۆت: ئهو حهفت سال بوون من چو كارێن هونهری ئهنجام نهداین و ئهگهرێ ئهوێ چهندێ ژی تووشی نهخوشیهكێ بووم و سوپاس بۆ خودێ نوكه یێ باشم و زڤریمهڤه بۆ مهیدانا هونهری، بهلێ بۆ من پیچهك یا بزهحمهت بوو، هەروەسا ههتا نوكه من سترانێن دوقۆلی نهگۆتینه و من نهبووینه، بهلێ دبهرنامێ من دایه ئهز و كچا خوه ئایلین پێكڤه بێژین.