پارتی دیموكراتی كوردستان پێ گوهور نینە
ديدار، سالار محةمةد دۆسكى:
1-2
پێشمەرگێ شورەشا گولانا پێشكەفتن خواز، (تاهر حەجی محێ لیناڤایی دۆسكی) ژ دایك بوویێ سالا 1950 گوندێ لیناڤا ل دەڤەرا دۆسكی یا هەتا قوناغا شەشێ سەرەتایی ل باژێرێ دهۆكێ تەمام كریە، ل ناڤەراستا سالێت شێستان بوویە پێشمەرگە و هەر دو شورەشان رۆلەكێ كاریگەر هەبوو و هەتا نوكە ل سەر خەباتا خوە یێ بەردەوامە.
(تاهر حەجی محێ لیناڤایی دۆسكی) پێشمەرگێ شورەشا گولانا پێشكەفتن خواز، د دیدارەكێ دا ل گەل بەر پەرێ دیرۆكێ رۆژناما ئەڤرۆ دیاركر كو ل ناڤەراستا سالێن پێنجیان، ئانكو بەری شورەشا ئیلونێ دەست پێ بكەت، مالا وا ژ گوندێ لیناڤا هاتە ڤەگوهاستن بۆ باژێرێ دهۆكێ چونكە وی دەمی بابێ وی موختار بوو و گەلەك حەژ خواندنێ دكر و هەمی ئومێد و ڤیانا وی ئەو بوو زارۆكێن وی فێری خواندنێ و زانینێ ببن و ئەم هەشت برا بووین، خواندنا سەرەتایی هەتا قوناغا شەشێ خواندیە،
پێشمەرگێ شورەشا هەر دو شورەشێن ئیلون و گولانێ (تاهر حەجی محێ لیناڤایی دۆسكی) زێدەتر گۆت: برایێ منێ مەزن (ئەحمەد) بەری دەسپێكرنا شورەرشا ئیلونا مەزن كارێ رێكخستنێ دكر وی دەمی گەلەكێ بچوویك وبووم وی دەمی برایێ من پەیوەندی ل گەل (مەلا عەلی بەرۆشكی) هەبوون و گەلەك ژ مرۆڤێن مە رێكخستی بوون وەك (ئادەم، مكائیل، سمائیل، عادل) و ل سالا 1961 دەمێ خودێ ژێ رازی (ملا مستەفا بارزانی) هاتیە دەڤەرا دۆسكی یا بیرا من دهێت وی دەمی برایێ من خودێ ژێ رازی (ئەحمەد) گەهشتە ناف رێزێن پێشمەرگێ كوردستانێ و هەر گوندەكی چەند مرۆڤ گەهشتنە شورەشێ
پێشمەرگێ هەر دو شورەشێن ئیلون و گولانێ ئەو ژی گۆت: ل سالا 1966 بۆ جارا ئێكێ من چەكێ شەرەفێ هەلگرتیە و بوویمە پێشمەرگە وی دەمی برایێ من خودێ ژێ رازی ( ئەحمەد) سەرقول بوو و ئەز ل گەل وبووم، شەرێ (زووزك و هندرین) گەلەكێ مەزن بوو و ئەژی پشكدار بووم ل گەل برایێ خوە و برایێ من (ئەحمەد) دناڤا وی شەری دا شەهید بوو و شەرەكێ هوسا مەزن بوو حوكمەتا ئیراقێ نەچار بوو بهێتە دانوستاندنێ ل گەل سەركردایەتی یا شورەشێ، باوەركە ئەو شەر هندێ بهێز بوو شەرێ مان و نەمانێ بوو وی دەمی (فارس كورەماركی) خودێ ژێ رازیبت ئامر بەتلیون بوو و ئەم چووینە ل گەل وی وی دەمی زێدەتر پێشمەرگێن ل گەل (فارس كورەماركی ) دۆسكی بوون و بەلێ ژ هوزێن دی ژی ل گەل هەبوون، سەرپەرشتێ شەرێ (زووزك و هندرین) خودیچ ژێ رازی (ئدریس بارزانی) بوو وی شەری حوكمەتا ئیراقێ هاتە شكاندن و بەتەلیونا مە هەتا (16) شەهیدان دا و (30) پێشمەرگە بریندار بوون، پێشمەرگەی شیا گەلەك دەسكەفتان ڤی شەری دا ب دەست ڤە بینت وی شەری دا وەك پێشتر مە ئاماژە پێكری، برایێ من (ئەحمەد) شەهید بوو و چەندین مرۆڤێن مە ل گەل مە بوون وەك گوندی و برازا (كاكل خازیاڤایی، سەلیم، صالح ئەسعەدی شندوخی، محەمەد) گەلەكێن دی و دەمێ برایێ من شەهید بووی، بەرسڤا هات كیێ نێزیكی وی ڤێرێ یە؟ گۆتنێ برایێ وی وی دەمی یێ بچوویك بووم، ل گەل نە چووم و بتنێ (فارس كورەماركی و سالح ئەسعەد) ل گەل چوون و زڤرین هەر من بەردەوامی دا خەباتا خوە یا پێشمەرگاتیێ و پشتی شەهید بوونا برایێ من (ئەحمەد) برایێ من (سمائیل) هاتە جهێ وی، ل سالا 1974 بوومە جێگرێ بەتەلیونا ئسنادا دهۆك ل گەل شەهید (محەمەد حەسەن باجلوری) و بەردەوام بووم وی دەمی گوندێ لیناڤا نێزیكی (25) مالان بوو، نوكە بتنێ مووچەخورێن شەهیدێن سەنگەری ل گوندێ مە (10) پتریا وان ئیلونێ نە و بتنێ دو سێ شەهیدێن ئەنفالان.
هەمان پێشمەرگێ شورەشا ئیلون و گولانێ گۆت: دەمێ دەنگۆیێ نسكۆیا سالا 1975 گەهشتیە مە رۆژەكا گەلەك نەخوش بوو وی دەمی بارەگایێ مە ل ڤێرە بوو و دەنگۆ گەهشتە مە كو شورەش هاتە راوستاندن وی دەمی هر كوردەك د دلێ خوە دا گەلەك عاجزبوو و تێكچوو و بوومە گەلەك یا نەخوش بوو و من ب چاڤێن خوە دیت گەلەك پێشمەرگان دكرە گری و هندەكا ب دەنگەكێ بلند دكرە گری و ئەم هەمی چووین كو بەرەف ئیرانێ دێ چین ل باگێرا (سەلیمێ ئەسعەد) و برایێ من (سمائیل) وێرێ بوون و چووینە (بامەرنێ) وی دەمی جەنازێ(عیسێ سوار ) هات و گۆتن (عیسێ شەهید) بوویە و ل گەل جەنازەی هەتا (ئامێدیێ) چووم وێرێ من بریارا خوە گوهارت و من گۆتە برایێ خوە (سمائیل) نەشێم بێم چونكە من تاقەت نینە و زڤریمە دهۆك، برایێ من (سمائیل) چوو ئیرانێ و دووف دا هاتە تركی و دووف دا هاتە خوار.
پێشمەرگێ هەر دو شورەشێن ئیلون و گولانێ زێدەتر گۆت: پشتی نسكۆیا سالا 1975 مە چەكێ خوە رادەستی حوكمەتێ كر و ل سالا 1976 دەمێ شورەشا گولانێ دەست پێكری وی دەمی گەلەك گڤاشتن و دیفچوون ژلایێ ئەمنا بەعس ڤە ل سەر من هەبوو و گەلەكێ بەرنیاس بوو دچاڤێن سیخورێن ئەمنێ دا و جارەكێ گازی كرمە ئەمنێ و سوزنامەك ل سەر من دروستكر و گۆت سەرۆك كوماری هوون عەفوكرینە و ژ ئەڤرۆ پێڤە لڤینەك ژ هەوە دروست بیت گازندا پاش نەكەن، لەوما نەشیام گەلەك لڤینا بكەم، ل شورەشا گولانێ وەك پشتەڤانی و هاریكاری مە گەلەك كر و هەتا چوومە ناف هندەك شەرەان ژی و گەلەك ژ ئەوان پێشمەرگان هەتا نوكە ژی دساخن و شاهدن ل سەر ڤێ چەندێ، ل گەل وێ چەندێ نینم كو بێژم من ئەڤە كریە و ئەڤە بووم، وی دەمی زارۆكێن شەهیدان دێ بێژن پاكا بابێ مە؟ وی چكریە؟؟ بتنێ دێ بێژم كوردستان ژ دەریایەكا خوینێ دروست بوویە و هەر چ خێزان و مال ل كوردستانێ نینن شەهید و قوربانی نەدایی و ئەف دەسكەفتە ب ساناهی نەهاتینە
پێشمەرگێ شورەشا ئیلون و گولانێ ئەو ژی گۆت: ل شورەشا ئیلونێ گەلەك ئارامتر بووم ژ شورەشا گولانێ و ژ نوكە ژی چونكە شورەشا ئیلونێ گەلەك رێكخستی تر بوو و موخلصتر بوو و بتنێ ئێك سەركردایەتی بوو و شورەشەك بوو جوداهی دناڤبەرا ئول و نەتەوە و ئایندانا نەبوو هەر هەمی كەسان بۆ كوردستانێ دكر یان كوردستان یان نەمان ئەڤە دورشمێ شورەشا ئیلونێ بوو و چ مال و خێزان ل كوردستانێ نەمابوون زیان ڤێ نەكەفتین ل شورەشا ئیلونێ و هەتا خەلكێ گوندان راستە گەلەكا چەك نە هەلگرت لێ گەلەك پشتەڤانی و هاریكاریا پێشمەرگەی كر و ئەڤە ناهێتە ژبیركرن و ئافرەتا كورد ژی رۆلەكێ هەرە كاریگەر هەبوو و دشێین بێژین ئافرەتا كورد دینەموویا شورەشێ بوو و ئەگەر پێشمەرگە درەنگی شەڤ چووبانە گوندەكی ئەو مال دا هەر زووی ژ خەو رابن و ئافرەت دا خوارنێ بۆ پێشمەرگەی دروست كەت و هەتا خوار بان و دیسا دا جانتكێن پێشمەرگەی ژی تژی خوارن كەن و هەتا ل گەل خوە بربان و هەر پێدڤیەكا پێشمەرگەی پێدڤی پێ هەبا دا بوو بەرهەف كەن و دا ب رێێ ئێخن و هەلبەت ئەڤە دڤێت نەهێتە ژبیركرن و دڤێت بەردەوام بهێتە گۆتن و ئاشكەراكرن.
