دادوەر عامر ئەلحوسەینی پیرۆزباهییا سەركەفتنا هەلبژارتنان ل خەلكێ كوردستانێ دكەت
دادوەر عامر ئەلحوسەینی، سەرۆكێ فەرمانگەها هەلبژارتن و سەرۆكێ لژنەیا ناڤەندییا فەرمانگەها هەلبژارتنێن هەرێما كوردستانێ، پیرۆزباهی ل خەلكێ كوردستانێ كر ب هەلكەفتا ب دوماهی هاتن و سەركەفتنا پڕۆسەیا هەلبژارتنێن خولا شەشێ یا پەرلەمانێ كوردستانێ.
دادوەر عامر ئەلحوسەینی، ئاماژە ب رۆلێ هەڤپشكێن پڕۆسەیا هەلبژارتنان كر ژ هەموو بەربژار و حزب و هەڤپەیمانی و جڤاكێ مەدەنی یێن ناڤخوەیی و نێڤدەولەتی و دەزگەهێن راگەهاندنێ، ل گەل نوونەرێن نەتەوەیێن ئێكگرتی (یۆنامی).
ئەلحوسەینی، سوپاسییا دەستهەلاتا فیدرالی و محەمەد شیاع سودانی، سەرۆك وەزیرێن ئیراقێ و حوكمەتا هەرێما كوردستانێ كر بۆ پشتەڤانییا وان ل كارێن كۆمسیۆنا بلند یا سەربخوە یا هەلبژارتنان، هەڤدەم سوپاسییا ئەندامێن لژنەیا ناڤەندی یا فەرمانگەها هەلبژارتنێن پەرلەمانێ كوردستانێ و هەموو كادرێن كۆمسیۆنا هەلبژارتنان كر.
