ب پشتەڤانییا خەلكی و باوەرییا وان سەركەفتین
مەسرور بارزانی، جێگرێ سەرۆكێ پارتی دیموكراتی كوردستان، ب هەلكەفتا سەركەفتنا پارتی د پڕۆسەیا هەلبژارتنێن پەرلەمانێ كوردستانێ و مانا وێ وەكو حزبا ئێكێ ل كوردستانێ د پەیامەكێدا راگەهاند، سەركەفتین و نەشییان.
مەسرور بارزانی، جێگرێ سەرۆكێ پارتی دیموكراتی كوردستان، ب هەلكەفتا سەركەفتنا پارتی دیموكراتی كوردستان د پڕۆسەیا هەلبژارتنێن پەرلەمانێ كوردستانێدا، پەیامەك ئاراستەی وان ئالییان كر كو درووشمێن وان (ب دوماهیئینان و تێكدان) بوو و گۆت» سەركەفتین و نە شییان».
جێگرێ سەرۆكێ پارتی گۆت ژی» سوپاس بۆ خودێ و پشتەڤانییا خەلكی و باوەرییا وان، ب سەركەفتین».
ل رۆژا 2/10/2024 مەسرور بارزانی، جێگرێ سەرۆكێ پارتی دیموكراتی كوردستان د چارچۆڤەیێ كۆمبوونەكێ ل گەل قوتابی و لاوان و ئافرەتان ل باژێرێ هەولێرێ ئاماژەكر» ئالی هەبوو پێشتر و نوكە بزاڤێ دكەت قەوارەیێ هەرێما كوردستانێ نەهێلیت، بەلێ نەشێت ( ناتوانیت)».
مەسرور بارزانی د وێ كۆمبوونێدا گۆتبوو ژی» بەرسڤا مە بۆ وان ئێك پەیڤە: ناتوانن ( نەشێن)».
مەسرور بارزانی دیاركربوو ژی» پێشتر ژی بزاڤ كربوو ڤی قەوارەی نەهێلن، ئەڤە یا نوكە نینە، پێشتر ژی پشكداربوون د پێلانێن لاوازكرنا ڤی قەوارەی، بەرهەڤبوون خوەژی ژناڤ ببەن، بۆ وێ چەندێ ئەو حوكمەت و حوكمڕانییە تووشی شكەستنێ ببیت كو ل بن سەركردایەتییا پارتی بوو. بزاڤێن وان یێن نوكە نینن. بزاڤێن وان د بەردەوام بوون، بەلێ نەشییان چونكە ڤی وەلاتی خودان یێ هەی، ڤی وەلاتی پارێزەر یێ هەی، خودانێ ڤی وەلاتی هوونن، پارێزەرێ ڤی وەلاتی پێشمەرگەیە».
هەروەسا ئاماژە كربوو» هیچ ئالی و كەسەك نەشێت كاروانێ پارتی ب راوەستینیت، نەشێت ڤی قەوارەی تێك بدەت».
