سەرۆك بارزانی و نێچیرڤان بارزانی و مەسرور بارزانی سەرەخۆشیێ ل میرێ ئێزدیان دكەن
د سێ پەیامێن جودا یێن بەهیداریێ دا، سەرۆك بارزانی و نێچیرڤان بارزانی و مەسرور بارزانی سەرەخۆشیێ ل میر حازم بەگ، میرێ ئێزدیان دكەن، ب هەلكەفتا مالئاڤاییا خاتۆن (سۆزان میرزا بەگ).
د پەیاما بەهیداریێ یا بارەگایێ بارزانی دا، كو دوهی 26/10/2024 بەلاڤكریە و تێدا هاتیە: «ب خەم كۆڤان ڤە نووچەیێ مالئاڤاییا خاتۆن (سۆزان میرزا بەگ) دۆتماما هەوە یا بەرێز گەهشتە مە، ب ڤێ هەلكەفتا خەمناك، سەرەخۆشیێ ل هەوەیێن بەرێز و مالبات و خووشك و برایێن مە یێن ئێزدی دكەین و هەڤپشكێن خەما هەمی لایەكینە».
دیسا د پەیاما بەهیداریێ یا بارەگایێ بارزانی دا هاتیە: «داخوازێ ژ خودایێ مەزن دكەین، سەبر و هەدارێ بدەتە هەوە و گیانێ خودێ ژێ رازیێ ژی بەر رەحمەتا خۆ بێخیت و ل بەهەشتا بەرین شاد بكەت».
دیسا هەر دوهی 26/10/2024 سەرۆك نێچیرڤان بارزانی پەیامەكا بەهیداریێ ب هەلكەفتا مالئاڤییا (سۆزان میرزا بەگ) بەلاڤكر و تێدا هاتیە: «بەهیداری و سەرساخیێ ل مالبات و كەسوكارێن وێ یێن هێژا و ڕێزدار میر حازم تەحسین بەگ، میرێ ئێزدییا دكەم، هەڤسۆز و هەڤپارێن خەما وانین، ژ خودایێ مەزن هیڤیخوازین گیانێ وێ ب ڕەحم و دلۆڤانییا خۆ شاد بكەت و سەبر و ئارامیێ بدەتە هەمیان».
دیسا هەر دوهی 26/10/2024 مەسرور بارزانی، سەرۆكێ حكومەتا هەرێما كوردستانێ ب هەلكەفتا مالئاڤاییا خاتۆن (سۆزان میرزا بەگ) پەیامەكا بەهیداریێ بەلاڤكر و تێدا هاتیە: «بەهی و سەرەخۆشیێ ل مالباتا (سۆزان میرزا بەگ)، یا بەرێز و میر حازم بەگ، میرێ ئێزدییان دكەم و هەڤپشكێ خەما وا مە، خودێ مەزن گیانێ وێ ب بەهەشتێ شاد بكەت و سەبر و هەدارێ ب وان ببەخشیت».
