ل گه‌ل باران بارینێ شانۆگه‌ریا «بارانا دره‌وان» دێ هێتە نیشادان
هه‌رهین محه‌مه‌د:
كوردستان تیڤی ب هه‌ڤكاری ل گه‌ل تیپا شوره‌شڤان یا هونه‌رێ شانویێ یا كو ب سه‌ر رێڤه‌به‌ریا هونه‌رێ شانویێ ل به‌ره ل رۆژا 2،3،4/11/2024 شانۆگه‌ریا (بارانا دره‌وان) ل هۆلا جزیری نیشانبدەن كو ژ نڤیسینا بابێ نازێ و ئاماده‌كرن و سه‌ركار عادل حه‌سه‌ن.
ئاماده‌كارو سه‌ركار، عادل حه‌سه‌ن، د دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ دبێژیت: مه رۆژا شه‌مبی ده‌ستنیشانكر ژ بۆ نه‌مایشا شانۆیێ و ئه‌و چه‌نده دزڤریت بۆ ئه‌وان قووناغێن بوری و ئه‌ز ژیایم و من مرۆڤ دیتین و نه‌خاسمه ل پارێزگه‌هێن دی ب شێوه‌كێ گشتی و هه‌تا راده‌كی ل پارێزگه‌ها دهۆكێ ژی و من دیت هێدی هێدی كوردان گه‌له‌ك گورانكاری یێن كرین و هه‌تا گورانكاری د گه‌له‌ك ئیدیه‌مان دا كریه، به‌لێ من باوه‌رنه‌دكر رۆژه‌كێ كورد دێ گورانكاریێ ئێخنه د تێگه‌هێ هزری یێ دبلوماسیه‌تێ دا، ئانكو ژزانینن یان نه‌زانینا مه كوردان و تشته‌كێ په‌یدابووی تێگه‌هێ وان ئه‌وه هه‌كه تو دره‌وان بكه تو مرۆڤه‌كێ دبلۆماسیی، ئانكو دیتنا دبلۆماسیه‌ت ئانكو دره‌وكرن و ئه‌و بخو تێگه‌هێ وێ دبلوماسیه‌ت دره‌و نینه ، به‌لكو زمانه‌كێ سه‌رده‌مه و دێ گوتنا خۆ بێژی، به‌لێ د ئه‌وێ گۆتنێ دا راستی یا تێدا هه‌ی، به‌لێ دناڤ مه كوردان دا هه‌كه تو بدلوماسیه‌ت باخڤی دڤێت دره‌وان بكه‌ی و ئه‌ڤ چه‌نده‌ژی دزڤریت بۆ گه‌له‌ك ئه‌گه‌ران ئێك ژوان نه‌باوه‌ریا مه بخوە دوو نه‌بوونا چو تێگه‌هێن هزری و فه‌لسه‌فی ل نك مه بخوه و ئه‌ڤێ چه‌ندێ یا وه‌كری كو ئه‌م ل گور ده‌مێن بچیك ره‌فتارێ ل گه‌ل بكه‌ین و یا وه‌كری هه‌كه مرۆڤ كه‌سه‌كێ راستگو بی دبیت گه‌له‌ك ئاسته‌نگو پێئالین بۆ مرۆڤی چێبنن، به‌لێ هه‌كه مرۆڤ دره‌وان بكه‌ت دێ گه‌له‌ك ب ساناهی گه‌هیه ئه‌نجامی واته داكو زویكا مرۆڤ بگه‌هیته یا مرۆڤی دڤێت دێ نه‌چاربیت به‌رب بجیهانا گۆتنا نه‌راست چیت، چونكو د ئه‌وێ گۆتنێ دا دێ ده‌ستكه‌فتی ب ده‌ستخوه ڤه ئینی و ئه‌و كه‌سێ مرۆڤ بۆ دره‌وێ دكه‌ت یێ گه‌هشتیه قوناغه‌كێ و سایكلوجیه‌ك بۆ چێوویه و ئێدی ئه‌وژی گه‌له‌ك حه‌زژ دره‌وان دكه‌ت و ده‌مێ مرۆڤ دره‌وان بۆ بكه‌ت گه‌له‌ك كه‌یفا وی دهێت واته هه‌ر دو ئالی ب گوتنا دره‌وان سایكلوجیه‌كا خۆش بۆ وان په‌یدا دبیت.
ئه‌و چه‌نده‌ژی گۆت: لاوازترین و هه‌ژارترین و بێ خودانترین وه‌زاره‌ت، وه‌زاره‌ت ره‌وشه‌نبیری و رێڤه‌به‌ریێن وێ نه و ده‌مێ ئه‌و هه‌ژاردبن شانوژی هه‌ژاردبیت و ئه‌ڤ چه‌نده ئه‌وێ یه‌كێ رادگه‌هینت كو نه‌مایشا شانویێ كێمبوویه و ب مخابنی ڤه كه‌رتێ تایبه‌ت ژی ئه‌و مه‌ژی نینه ژ ۆ گوهارتنا جڤاكی ژ قوناغه‌كێ بۆ قووناغه‌كا دی.
