گۆڕستانا میرا ل ئامێدیێ پێدڤی ب سەخبێركرنێ یە
ئامێدیێ ئێك ژ كەڤنترین و دیارترین باژێركێن كوردستانێ و جیهانێ یە و خودان دیرۆكەكا كەڤنار و شارستانییە, و ژ لایێ جوگرافی ژی ڤە جهەكێ باڵكێش و جوانە و سالانە ب هزاراەهان گەشتیارێن نافخۆیی و بیانی سەرەدانا وی باژێری دكەن ژبەر كو سەنتەر و پایتەختێ میرگەها بەهدینانە و هژمارەكا شوینەوارێن كەڤنار و جوان لێ هەنە و ژلایەكێ دی ڤە هەر سێ ئۆلێن دونیایێ تێدا ژیاینە و تا نوكە ژی شوینەوارێن كنیشتە و دێرا ن لێ ماینە, و هەروەسا هەر دوو دەرگەهێن وێ و مزگەفتا مەزن ژی رەوشەكا دی یا شارستانی دایە باژێری. سالانە راپۆرت و ڤەكولینێن دیرۆكی و شوینەواری ژلایێ قوتابیێن زانكۆ و پەیمانگەهان و دیرۆكنڤیسێن ناخویی و بیانی ژی لسەر دهێنە كرن و مفایەكێ باش ژێ دهێتە وەرگرتن, ئەڤە ژی وێ چەندێ دسەلمینیتن كو ڤی باژێركی گرنگیەكا تایبەت یا هەی. ئەگەر ئەم بەرێ خو بدەینە پاراستنا شوینەوارێن وێ پتریا وان هاتینە پاراستن و هند ژوان ژی هاتینە نووژەنكرن و كار تێدا دهێتە كرن ئەڤە ژی جهێ دلخوشیێ یە. لێ مخابن دەما مرۆڤ سەرەدانا گۆرستانا میرا دكەتن ئەوا ل ناڤا سەنتەری دا یا دسەوبەرەكێ نەباش دا وەكی چولەكی یا لێ هاتی و مایە بێ خودان و چاڤدان بۆ ناهێتە كرن ئەڤێ گۆرستانێ گرنگیەكا مەزن یا هەی ژبەر كو گۆرێ ئێك ژ سوڵتانێن بناڤ و دەنگێن بەهدینان یێ لێ ئەوژی گۆرێ( سۆلتان حوسێن وەلی) یە كو ل سەر دەستهەلاتا وی و ب رەنگەكێ راستەوخۆ گەلەك گرنگی ب شوینەواران ددا و چەندین پرەو خواندنگەه و ئاڤاهیێن دی ئاڤاكرینە و نویژەنكرینە, ڤیابا نوكی جوانترین و پاقژ ترین جه ل ئامێدیێ ئەڤ گۆرستانە با ژبەر كو هەر گەشتیارەكێ سەرەدانا ئامێدیێ دكەتن دڤێتن گۆرێ وی ببینیتن پاشی ل ئامێدیێ دەربكەڤیتن. ئەڤجا داخوازێ ژ جهێن پەیوەندیدار دكەین كو سەخبێریەكا باش بۆ ڤێ گورستانێ بكەن و هەر دەم یا پاقژ و جوان و رێك و پێك بیتن دا ببیتە جهێ سەرنجا گەشتیاران.
