شاكر ئاكره‌یی به‌حسێ خوەشترین بیرهاتنا خوە ل گه‌ل هونه‌رمه‌ند محه‌مه‌د عارفێ جزیری دكه‌ت
ئه‌ڤرۆ، هه‌رهین محه‌مه‌د:
هونه‌رمه‌ند شاكر محه‌مه‌د ئه‌مین ئاكره‌یى، ددیداره‌كێ دا بۆ به‌رپه‌رێ هونه‌رى یێ رۆژنامه‌یا ئه‌ڤرۆ گۆت: ئه‌م رێنجه‌ربووین و مه هه‌موویان بخوه كاردكر و كه‌سێ هزرا پاره‌ى نه‌دكر و من جلك درین و ره‌وشا من یا باش بوو و یا من یا جودابوو ئاره‌زو بوو نه‌كو بۆ پاره‌ى بوو گه‌له‌ك جاران دچوومه ده‌واتان و من خه‌لاتێ زاڤاى ژى دگه‌ل خوه دبر و من ستران ژى بۆ دگۆتن و ئه‌وى سه‌رده‌مى وه‌سا دخواست، به‌لێ ئه‌ڤرۆ نه‌شێم پا دێ چه‌وا به‌رهه‌مى بخوه چێكه‌م ئه‌گه‌ر چو كۆنسێرت نه‌بن، یان هاریكارى ل گه‌ل نه‌هێته‌كرن و هه‌كه سترانبێژ نه‌چنه كۆنسێرتان نه‌شێن چو كلیپان بخوه چێكه‌ن و چێكرنا سترانێ ژى گه‌له‌ك ب زه‌حمه‌ت كه‌فتیه و مه‌زاختنه‌كا مه‌زن بۆ دڤێت، له‌ورا هه‌موو ده‌مان ژى دبێژم خوه دانم خولامێ هونه‌ردوستا و هه‌موو ده‌مان هونه‌ردوست ل پێش چاڤێن منن و چ هه‌موویان پتر حه‌ز ژوان دكه‌م، چونكو ئه‌وان ئه‌ڤ هه‌موو هونه‌رمه‌نده ب سه‌ر ئێخستینه
ناڤهاتى ئه‌وچه‌نده‌ژى گۆت: دكه‌ڤن دا دا ژ دهۆكێ چینه به‌غدا ژ بۆ توماركرنا سترانه‌كێ ل وى ده‌مى دسالێ دا سێ ستران دهاتنه چێكرن و ل وى ده‌مى بیست و پێنچ هزار دانه من و گه‌له‌ك جاران ب ئه‌وى پارى ب فرۆكێ دا چم و ئێمه‌ڤه و من هاژ چو داهاتان نه‌بوو و نوكه سترانبێژ دێ چیته ده‌واتان دێ بێژن ئه‌ڤه سترانبێژێ داواتانن به‌لێ من بتنێ دڤێت تشته‌كى بێژم هندى ژ وان بهێت سترانێ خراب نه‌كه‌ن و هندى ژ وان بهێت فلكلورێ خوه بێژن و بلا یێن دى ژى بێژن، ئانكو تایبه‌تمه‌ندیا سترانا كوردى نه‌هێته ژده‌ستدان و ئه‌ز گه‌له‌ك ژ هندێ ژى ترسم و هه‌تا راده‌كێ باش ژى هونه‌رمه‌ندێن مه‌شیاینه ب پارێزن ب تایبه‌تى یێن باكوورێ كوردستانێ و ته‌كه‌زا خوه دانایه سه‌ر فلكلۆرى گۆت: من هه‌شت ستران بۆ سترانبێژى گه‌نج هیوا ئاكره‌یى چێكرینه، له‌ورا داخازیا من ژ گه‌نجان ئه‌وه تشتێ نوى ب ئافرینن نه‌كو تشتێ دزیێ چێكه‌ن، چونكو مه هه‌لبه‌ستڤان و ئاوازدانه‌رێن جوان و زیره‌ك هه‌نه و دێ بۆ وان تشته‌كێ جوانتر چێكه‌ن و دبینم دێ پاشه رۆژا وان گه‌شتر بیت و حه‌ز دكه‌م سه‌د بهێنه دگوره‌پانێ دا ل پاشه رۆژێ دێ بۆ مه دو یان سێ ده‌ركه‌ڤن.
لدووماهیێ ژى گۆت: هه‌موو هه‌ڤالێن من دیده‌ڤانن ئه‌وێن موزیكژه‌ن ره‌وشا من یا دارایى یا باش بوو من هاریكاریا هه‌موویان دكر و چو جاران خه‌لات نه‌دهاتنه دان بۆ ئاوازدانه‌ران من دیارى پێشكێشى ئه‌وان دكرو نه‌كو په‌سنه‌كه بخوه دكه‌م و ئه‌وان بخوه گوتیه و دیده‌ڤانن گۆت: ئه‌ز گه‌له‌كێ هه‌ستیارم ب تایبه‌ت بۆ زارۆیان هه‌كه نه‌خوش دبن ومالا من هه‌مووژى حه‌زژ زارۆكان دكه‌ن و من برایه‌ك هه‌بوو بناڤێ (سابر) ئه‌وى گه‌له‌ك حه‌زژ زارۆكان دكرو له‌ق لێدان خو یێن جیرانان ژى و زارۆكێن وى گه‌له‌ك دجوان بوون دگۆته مه هوین ژى له‌قا ل زارۆكێن من بده‌ن ب راستى زاۆكێن وى گه‌له‌ك دجوان بوون.
