ئێدی زارۆ نابن
ئەڤرۆ:
پشتی دیاربوونا ھندەک شانێن پەنجەشێرێ دناڤ ھێکێن وێ دا، ل رۆژێن بۆری کریارەکا دی یا نشتەرگەریێ بۆ ھونەرمەند و زارڤەکەرا ناڤدارا ئەمریکی (ئەنجلینا جۆلی) ھاتە کرن و ئەڤێ جارێ ھێکێن وێ ب ئێکجاری ھاتنە راکرن، و ئێدی ئەو نەشێت چ زارۆیان بینیت.
ژێدەرێن دەنگۆ باسان ل وەلاتێ ناڤبری د دەنە دیارکرن کو د دووماھی پشکنیندا ئەوا بەری چەند رۆژان بۆ ھاتیە کرن نوشداران ھندەک شانەیێن دی یێن پەنجەشێرێ دناڤ ھێکێن وێ دا دیتن، لەورا بریاردان ھێکێن وێ ب ئێکجاری بھێنە راکرن.
نۆشدارەکێ وێ بۆ وان کەنالان دیارکر کو ئەنجلینا (٣٩) سالی ب ئێکجاری ژ زارۆبوونێ خلاس بوو، و ئێدی نەشێن چ زارۆیان بینت.
دھێتە زانین کو ژبەر ھەمان نەخوشی ل سالا بۆری مەمکەکێ وێ ژی ھاتبوو بڕین و نۆشدار ل وێ باوەریێ نە کو دبیت پشتی راکرنا ھێکێن وێ ئەو نەخوشی ل سەر سڤکتر لێ بھێت.
