خانما من
مەهدی گلی
د سالۆخەتكرنا جوانیا تەدا پەریشانم
گۆتنێن من دوراندینە لێ ب گۆمانم
د دەریایا چاڤێن تە دا نە مەلەڤانم
دگرنژینێن تەیێن ئینتیكەدا
یێ بەرزە سەرگەردانم
خانما من
دچاڤێن مندا تو تیشك ورۆناهی
ددلێ مندا تو هەر وهەر یا هەیی
بۆ برینێن من دەرمانی
بۆ هەناسا من ژیانی
بۆ هەستێن من ڤیانی
خانما من
ب درێژایا ژیێ من
تو هەر یا ل بیرا من
بوویە پارچەك ژ من
نیڤەكا گیانێ من
ئەكتەرا خەونا من
خانما من
رۆژ دچن وتێدپەرن
ئەز چاڤەرێی دیتنا تەمە
رۆژ دچن وتێدپەرن
ل هیڤیا ئاوریەكا تە مە
ل بەندا گرنژینا تە مە
خانما من
رۆندك درژیێن
شەمالك ڤەدمریێن
گول دچرمسن
بلبل دفەتسن
بۆ هەمیان تو ژیانی
خانما من
بیێ تە دلێ من ب دوماهی دهێت
ل مان وژیانێ ناگەریێت
ئەگەر دلێ تە كوشتن خۆشی دڤێت
ئەڤە ئەز ئێك ژ وان خۆشیێن تە دڤێت
من بكوژە بەلێ باش بزانە
دێ د ژیانا دیدا دلێ من
هەر دێ ل دویڤ تە هێت.
