خاچەرێیێن ئالۆز
مەلەڤانێ بارانی
وەرە…. مینا سیڤاندۆكان
ل سیڤاندەیێن بەندەمانێ
بلویسە!
داكو هەموو سپێدەهیان
دەنگێ تە..
ببیتە سروود و مارشا رێپیڤانا چوونا
لەشكەرێ خەمان و بهێتە گۆتن.
تو
یا بوویە پەیا رێیەك
ژ هەموو رێیێن سەرەكی ڤارێ بووی
ئێدی نە سلاڤ ب رێكا تە دگەهن..
نەژی پێژنا بابەلیسكان
من ژ هاتنا تە بهیڤی دكن!
ئێدی ژیان.. بۆ من
خاچە رێیەكا ئالۆزە
نزانم ل سەرێ كیژان رێ
ل بەندا تەبم
نەژی دزانم ب كیژان ئاراستەی
ل شوین پێن تە بهێم!
هزر….
د ترارێ زڤرۆكێ سەرێ من دا
ژ كاروانێ هزرینێ نا ڕاوەستن
نزانم تە ب كیژان تۆڕێ
بگرم
و
ژ پێلێن سەرێ خوە
بهاڤێژم؟!
