هەر ژ دروستبوونا دەولەتا ئیراقێ هەتا نوكە كوردان ئاریشە ل گەل شێوازێ حوكمرانیا وان هەنە
سالار محەمەد دۆسكی:
1 – 2
چەندێ ب سەنگ و قیمەت بوو ل دەف خەلكی ئێدی خوشتڤی تر لێ هات پشتی ڤەگەریایە ئیراقێ و پشتی پارتی دەست ب رێكخستنێن خوە كری و ئێدی حەساسیەك بۆ (عەبدولكریم قاسم) ژی دروست بوو دەمێ دیتی خەلك بڤی رەنگی رێزێ ل (بارزانیێ نەمر) دگریت، هاتنە ناڤكرن ب (زەعیم الشعب الكردی) ئەڤە تشتەكێ گەلەك گران و نەخوش بوو بۆ (عەبدولكەریم قاسم) كەسانێن شوفێنی ئەوێن دەردوری (قاس) هەمی بوونە پالپشت و كارتێكرن و گڤاشتن ل سەر هەبووینە ل گەل (بارزانی) كێشە دروست بن و كێشە هێدی هێدی سەرهلدان و گەهشتە وی ئاستی جەنابێ (بارزانی) بەغدا ب جه پێلیت و بەرەف بارزان بهێت، هاتنا جەنابێ وی ئەو بوویە هەم بهێناخوە ڤەدەت و هەم (عەبدولكریم قاسم) ژی پێداچوونەكێ خوە بكەت و هەمی بزاڤێن جەنابێ (بارزانیێ نەمر) ئەو بووینە كو باوەری بۆ (عەبدولكەریم قاسم) دروست بیت كو دیتنا خەلكێ هەرێما كوردستانێ بۆ پاشەرۆژا ئیراقێ بتنێ پێكڤەژیانە و پێكڤەبوونە ل ئیراق وەك دو نەتەوێن سەرەكی بوو و بەردەوام بارزانی كار ل سەر ڤێ چەندێ كر و مخابن شوفینیەكا عەرەبی زێدەتر زال بوو، بەری شۆرەش دەست پێ بكەت ( عەبدولكەریم قاسم) پێشنیارەك بۆ بارزانی كر كو باژێرەكی ل دەڤەرا بارزان بۆ دروست بكەت و هەمی مرۆڤێن وی وی باژێری كومبوون و هەر هەمی بێ چەك بن و هەمی هزر و بۆچوونێن وی ئەو بووینە دووڤدا دەردورێن وی باژێری بگرن و هەر هەمی ژ چەك بهێنەكرن و ئەڤە ئنیەتەكا خراب بوو و بارزانی هەست پێ كر و قەبوول نەكر، چونكە كێشا بارزانی یا وی بخوە نەبوویە بەلكو كێشا مللەتەكی بوویە، ئەگەر پێدچوونەكێ مێژوویێ دا بكەی ل سەر دەمێ بارزانیێ نەمر كو وی دەمی سەرپەرشتیا هەمی كوردستانێ دكر هەر ژ زاخو هەتا گەرمیان تو ئێك خانیێ مەزنێ بارزانی نابینی یان بازارەكێ مەزن و ژیانا وی وەكی یا خەلكێ سرۆشتی بوو، دەسپێكەكا نەباش هاتە پێش و حوكمەتا ئیراقێ ب فرۆكان دەڤەرا بارزان توب بارانكر و ئەڤە راگەهاندنا شەری بوو وی دەمی بارزانی ل گەل شەش كەسان بتنێ دچنە چیایێ(پیرس) و مەكتەبا سیاسی یا پارتی وی سەردەمی ل دەڤەرا سلێمانیێ بوو و هندەك جاران نووینەر دهنارتنە دەف بارزانی و هندەك جاران ژی یێ دەنگ دبوون، كاودانێن گەلەك نەخوش ل دەڤەرێ دروست بوون، چوونا بارزانی ل گەل ئەوان هەر شەش كەسان هزر ل ئەوێ چەندێ هاتەكرن چەوا بەرنامەكێ باش دروست بكەن كو بەرەڤانی ژ خاك و كەرامەتا خەلكێ كوردستانێ بهێتەكرن و رژێما ئیراقێ یا بەردەوامە ل سەر دژایەتیكرنا مللەتێ كورد و بەردەوام یا دەڤەرێن كوردستانی توب باران دكەت، جەنابێ (بارزانیێ نەمر) نەچار بوو دەست ب شۆرەشا ئیلۆنێ بكەت نەوەكو شەرخواز بەلكو ئەنجامدانا شۆرەشێ و رابوونا خەلكێ كوردستانێ بتنێ رەڤانیكرن بوو ژ ئاخ و كەرامەتا مللەتێ كورد، ئەڤەر (عەبدولكەریم قاسم) گوهداری یا كەسانێن شوفینی و دەردورێن خوە نەكربا و ل سەر ئەوان سوز و پەیمانا با ئەوێن ل دەسپێكێ شۆرەش بووكری وەكی دگۆتن كورد و عەرەب برانە و ئیراق ژ دو نەتەوا پێك دهێت وی دەمی بارزانی ژی شۆرەش نەدكر، شۆرەش دەسپێكر و ل ماوەكێ گەلەك و گەلەك كورت دا شۆرەشا ئیلۆنا مەزن ب سەر كێشیا بارزانیێ نەمر شیا دەڤەرا بەهدینان ئازاد بكەت و ئێدی ئەڤ ئازادی یە گەهشتە وی ئاستی رۆژ بۆ رۆژێ خەلكێ كوردستانێ یێ چەك هەی و یێ چەك نەی بخوە چەكی بكریت و قەستا ناڤ رێزێن شۆرەشێ بكەت و ببیتە پێشمەرگە وی دەمی مووچە نەبوو و بتنێ بیروباوەر هەبوونو دروشمێ وی دەمی یێ شۆرەشێ ئو بوویە (كوردستان یان نەمان) و دیسا دروشمێ وی دەمی (دیموكراتیەك بۆ ئیراقێ و ئوتونومی بۆ كوردستانێ) دەست ب خەبات و شۆرەشێ هاتەكرن و ماوەكێ گەلەك پێ نەچوو و هزر نەكرن بۆ وێ چەندێ كو ئیراق وەلاتەك و شیانێن چەكی و پارەی باشتر هەنە و شۆرەش سەرناەڤیت و دێ ئەو كونترۆلێ ل سەر مللەتێ كورد كەن، (مەلا مستەفا بارزانی) شیا ل گەل هەڤالێن خوە وەك پێشتر ژی مە ئاماژە پێكری شیان هەمی دەڤەرا بەهدینان ژ دوژمنی پاقژ بكەن و بتنێ باژێرێن مەزن نەبن و ئەڤە نەهاتەكرن دا كاودانێن خەلكێ كوردستانێ ژی بەرتەنگ نەبن و ئەڤە نامەكا روون بوو ژی بۆ حوكمەتا ئیراقێ كو شیانێن گرتنا ئەوان باژێران ژی هەنە لێ دڤێت هەر پێدا چوونێ دخوە دا بكەن.
هەمان پێشمەرگەیێ شۆڕەشا ئیلۆنا مەزن ئەو ژی گۆت: سەركردایەتیا شۆڕەشا ئیلۆنا مەزن دەستورەك دروست كربوو و لدیف ئەوی دەستوری هاتن و چوون و پێداچوون و دانا بریاران دهاتەدان و دادپەروەری یا جڤاكی دناڤا شۆرەشێ دا هاتبوو جێگیركرن ل سەرانسەری كوردستانێ و كەسەك نەشیا دژی وی دەستوری بریاران بدەت و ئەوی دەستوری چەندین خول ڤەكرن بۆ كادران بۆ مامۆستان، ب درێژاهی یا شۆڕەشێ و سەرەرایی ئەوان هێرشێن بەردەوامێن حوكمەتا ئیراقێ بۆ سەر كوردستانێ بەلێ خواندن یا بەردەوام بوو و سەرەرایی هەمی گاودانێن نەخوش و بنگەهێن ساخلەمیێ پتریا دەڤەران هەبوو و ژیان یا بەردەوام بوو، ل دەڤەرا (بالەكایەتی) (گلالە) وەك پایتەختێ كوردستانێ بوو و چونكە گەلەك چیا هەبوو و سەركردایەتی یا شۆرەشێ ل وێ دەڤەرێ بوو و دوژمن ب ساناهی نە گەهشتە دەڤەرێ و ناڤەراستا كوردستانێ بوو و خەلكێ كوردستانێ هەر ژ سلێمانیێ و هەر ژ دهۆك و زاخو شیا بگەهیتە ناڤ شۆڕەشێ و ئەو جه سەنتەر بوویە.
پێشمەرگەیێ شۆڕەشا ئیلۆنێ (عەبدولرحمان مەلا رەسول) زێدەتر گۆت: ل شۆڕەشا ئیلۆنێ بارزانیێ نەمر ل دەڤەرا بەهدینان بەرپرسێن لەشكری و كارگێری دامەزراندن و بارزانی نەمر ڤەگەریا دەڤەرا سۆران، ل نیسانا 1962 ل دەڤەرا بالەكایەتی و رۆژا هاتنا وی ل نێزیك (سیدەكان و دیانا) جهەكێ ستراتیجی و هەستیار بوو و جاشێن دەڤەرێ رێكا پێشمەرگەی گرتن بەلێ گەلەك پێ نەچوو و پێشمەرگە هات و ئەو جاش هەمی ڤەرەڤین و رێك بەردا.
پێشمەرگەیێ شۆڕەشا ئیلۆنێ (عەبدولرحمان مەلا رەسول) زێدەتر گۆت: ل دەڤەرا (سەتیكس، حەسەن بەگ) ئەڤە دەڤەرێن شۆرەشێ بوون و گوندی (بێشێ) و ل دڤەرێ هێلەك هەیە و ئەو جادا ژ هەولێرێ دچیتە (حاجی عومەران) جهەكێ ستراتیجی یە و ل گەل هاتنا جەنابێ (بارزانیێ نەمر) بۆ دەڤەرێ هەمی پێشمەرگێن دەڤەرێ و دەڤەرا (بالەك) ب گشتی پێشوازی ل (بارزانی) كر خەلكێ دلسوز و مامۆستایێن ئاینی و خەلكێ حزبی و هەر هەمی خەلكی بگشتی و گەلەك كەیفا (بارزانی) هات، ل دەڤەرا دولی (روست) رێكا نێزیك بۆ جادا (هاملتون) و چەند پرەك هەنە، ل پرا ئێكێ دبێژنێ (بن چێلان) هێزەك دهێت چەك و ئەرزاقی دبەتە (رایان) و ئەو چەك تەقەمەندی كەڤیتە دەستێ پێشمەرگەی و پێشمەرگەی كوترۆلكر و كەسەك شەهید بوو.
