سترانا فلكلۆری یا كۆچكۆدیوانان هه‌موو دەمان یا خوه‌شه
سترانبێژێ كوچكۆدیوانان سالح شانكی رێكانی، د دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت:
پتریا جاران سترانێنت ده‌واتان دبێژم ژیێن كوچكو دیوانان، چونكو حه‌زا خه‌لكی پتر ل سه‌ر سترانا ده‌واتان هه‌یه و پتر گێولێ مرۆڤی خوه‌ش دكه‌ت و گه‌له‌ك جاران من و سه‌فه‌ر شانكه و شه‌ریفی گۆتینه و هه‌ر ژ كه‌ڤن دا هه‌تا نوكه خه‌لكی ل به‌ر ئه‌ڤان سترانان شاهی و ده‌واتێن خوه كرینه و ب شه‌ڤ ژی دا زه‌لام دیوانا خوه دانن و سترانان بێژن و گه‌نج دا ل نیڤا دیوانێ ره‌قسن ب ئه‌وی ئاوایی شه‌ڤا خوه ده‌ربازدكر ، به‌لێ نوكه ئه‌و تشته گه‌له‌ك نه‌مایه‌بتنێ سوبه‌حییك و رۆژا كاركرنا زاڤایی مایه و حه‌ز دكه‌ن ل ئه‌وان رۆژان سترانێت كوچكودیوانا و فلكلۆری هه‌بن و ل گه‌ل هندێ ژی نوكه جهێن كه‌له‌پوری هاتینه دروستكرن و ل ئه‌وێری زاڤا دهێته خه‌ملاندن و تبلاوی دهێته خه‌ناكرن، ئانكو هێدی هێدی نه‌ریتێن كه‌ڤن یێن دزڤرنه‌ڤه.
شانكی هێشتاژی گۆت:
سترانا كوچكۆدیوانا و یا فلكلۆری هه‌رده‌م یا خوه‌شه و حه‌زژێكه‌و گوهدارێ وێ هه‌رده‌م دزێده‌بوونێ دایه و ب تایبه‌ت ل ئه‌ڤێ دووماهیێ گه‌له‌ك سترانبێژێت گه‌نج ده‌ركه‌فتینه و سترانێت فلكلوری و كوچكودیوانان دبێژن و بزاڤێ دكه‌ن ئه‌و سترانێت به‌رزه‌بووین جاره‌كا دی ب ته‌كنیكه‌كا نوی بینه هه‌بوونێ وبێژن و ب ڤێ چه‌ندێ ژی كه‌یفا من ب گه‌نجێن سه‌رده‌م دهێت.
