گولانێ نه‌خۆشیێن كوردان د چارده كه‌ڤالان دا نیشادان
هونه‌رمه‌ندا شێوه‌كار گولان حه‌مزه، د دیداره‌كێ دا بۆ به‌رپه‌رێ هونه‌ری یێ ڕۆژنامه‌یا ئه‌ڤرۆ گۆت:
ئێكه‌م پێشانگه‌ها خوە یا شێوه‌كاری من ل هه‌ولێرا پایته‌خت ڤه‌كر كو ژ چارده كه‌ڤالان پێكهاتبوون و پتریا كه‌ڤالێن من ژی ده‌ربرین ژ كوچبه‌ریێ دكر، چونكو ئه‌ز وه‌كو شێوه‌كاره‌كا كورد پێدڤیه گرنگیێ بده‌مه كه‌لتورێ نه‌ته‌وا كورد و ئه‌و كاره‌ساتێن ب سه‌رێ ملله‌تێ كورد هاتین و نیشا خه‌لكی بده‌م نه‌كو بتنێ خۆشیێن كوردان نیشان بده‌م و ئه‌گه‌ر ئه‌م سه‌حكه‌ینێ نه‌خۆشیێن كوردان پتر ژ خۆشیان و هه‌كه ئه‌م سه‌حكه‌ینێ كورد دئه‌ڤان كاودانان دا ده‌ربازدبن و نڤشێ من ژی ژ ئه‌ڤێ چه‌ندێ بێ به‌هر نه‌بوویه و ده‌مێ هاتنا تیرورستێن داعش گه‌له‌ك كه‌س بریندار و بوون و هاتنه كوشتن و بێ سه‌روشین ماینه هه‌تا نوكه ژی و چه‌ند خه‌لكی وارگه‌هێن خوه هێلاینه و به‌رب جهێن نه‌دیارڤه چووینه و دده‌ه كه‌ڤالێن خوه دا من گرنگی دایه ئه‌وان تشتان یێن كو د ڕه‌ڤینێ دا دگرن بووینه ئه‌وژی من ته‌قن بكارئینایه و ڕۆلێ دایكێ من به‌رچاڤكریه، ژبه‌ركو دایكێ گه‌له‌ك كار پێكڤه دكرن ژپێخه‌مه‌ت زارۆكێن خوه و زاڕۆك ژی پشكه‌ك بوو ژ ره‌ڤینێ و هه‌ر دیسان من خۆین بكارئینایه، چونكو گه‌له‌ك خۆین هاته رشتن و هه‌روه‌سا من هێمایێ زیرو زیرو بكارئینایه و گه‌له‌ك خه‌لك هاته كوشتن و ئه‌م نه‌شێن ئه‌وی خه‌لكی هه‌ژمێرین و هه‌ردیسان من قوری بكارئینایه ژبه‌ركو ل ئه‌وی ده‌می گه‌له‌ك پێدڤی بقوری بوون ژ بۆ ئاڤ گه‌رمكرنێ و چێكرنا خوارنێ و سه‌رشویشتنێ و هه‌روه‌سا زه‌لامێن دانعه‌مر گۆپال دده‌ستی دا دئه‌وێ ڕه‌ڤینێ دا بارێ وان یێ گران بوو گوینیك ب پشتا وان ڤه‌بوو ئه‌وان په‌ڕۆك بپێن خوە ڤه‌دكرن شوینا پێلاڤان ژبه‌ركو پێلاڤ نه‌بوون.
