سالا بۆری ل ئـاكـرێ نێزیكی هزار و 500 روودانێن ئاگربەربوونێ هاتینە تۆماركرن
رەمەزان زەكەریا:
رێڤەبەریا بەرگریا شارستانی ل ئاكرێ د كۆنگرەكێ رۆژنامەڤانی دا ئارمارێن سالا بۆری یێن ئاگربەربوونێ بۆ دەزگەهێن راگەهاندنێ ئاشكراكرن و دیار كر، د سالا بۆری دا چار وەلاتی خەندقینە و نەه ژی هاتینە رزگاركرن.
عـەقـیـدێ مـاف ئیبراهیم فـەریـق، رێڤەبەریا بەرگریا شارستانی ل ئاكرێ ئامارێن سالا 2024 ئاشكرا كرن و گۆت: «ب گشتی هزار و 435 روودان هاتینە تۆماركرن، سێ كەسان د وان روودانان دا گیانێ خۆ ژ دەست دایە، ل گەل كاركەندەكێ بەرگریا شارستانی».
ناڤبری گۆتژی: «د سالا بۆریدا چار وەلاتی خەندقین و نەه ژی ژ مرنێ هاتینە رزگاركرن، دیسا دو هزار و 986 ڤەدیتن ل سەر جهێن بازرگانی و حكومی هاتینە كرن».
