دیسا
بەشیرا دەروێش
دیسا چێلیێن ماران
خوە ل دەردۆرا دەرگووشا من
د گەراندن
باسكێن نوو شین دبوون
د هێلینا هەزكرنێ دە
دشكاندن
فەرمانا كۆچكرنێ
هاتە بڕین
ب لەپێن قرێژ
دێمێن درۆكێ
رەش كرن
ئەینكا مرۆڤاهیێ روخاندن
رویێن رەش و تەنیكری
دەرگەه ب دەرگەه
ل هەڤ پاركرن
هەر تشت ب لەز هلاندن
هێڤی ژ سەر دارا سەرێ سالێ
هاتن هلانین
ب دارا زەیتوونا برین دار ڕە
موومێن خوە ڤەمراندن
كانی سالێن بەرێ?
ما ئەڤ چ سەر سالە
ب سەر مە دە هات?
د بن سڕ و سەقەمێ دە
رۆژێن رەش ب هێسران دهەژمێرن
و داوی ل وان ئێشان نە هاتن.
