نێزیكی 15 كارگەهـ و پڕۆژەیێن پیشەسازی هاتنە پەسەندكرن
ئێكەم كۆمبوونا لیژنا پیشەسازی و گەشەپێدانێ د سالانوو دا ب سەرپەرشتیا د. عەلی تەتەر، پارێزگارێ دهۆكێ دوهی 15/1/2025 هاتە ئەنجامدان و تێدا نێزیكی 15 داخوازیێن وەلاتیان بۆ دانانا كارگەه و پڕۆژەیان هاتنە پەسەندكرن.
د كۆمبوونێ دا داخوازیێن خودان كار و كۆمپانی و بازرگانان د بیاڤێن پیشەسازی یا ئاهێن خوارنێ و بیناسازی و ئاڤەدانەكرنێ دا هاتنە بەرچاڤكرن، پتریا داخوازیان هاتنە پەسەندكرن، كو بڕیارە ل جهێن جودا جودا ل سنورێ دەڤەرداریێن پارێزگەهێ بهێنە چێكرن.
پارێزگارێ دهۆكێ دوپاتكر كو دڤێت هەر كارگەهەك و پڕۆژەكێ پیشەسازی و گەشەپێدانێ ل دووڤ یاسا و رێنمایێن فەرمانگەهێن حكومەتا هەرێما كوردستانێ بهێنە دورستكرن و مەرجێن پاراستنا ژینگەهێ تێدا بن و دەلیڤەیێن كاری بۆ وەلاتیان پەیدا بكەن.
