ل شۆڕەشا ئیلۆنێ هەتا ئەنفالان 25 جاران مالا من هاتیە ڤەگوهاستن
دیدار، سالار محەمەد دۆسكی:
2 – 2
زەینەل رێكانی، پشتی نسكۆیا سالا 1975ێ مالا خوە دئینیتە باژێرێ دهۆكێ بۆ دەمەكێ كورت مژوویلی كارێ تایبەت گرێدایی ژیین و ژیارا خوە دبیت، و دوڤدا قەستا ناڤ رێزێن پێشمەرگەی دكەت ل شۆرەشا گولانا پێشكەفتنخواز و ل سەر راسپاردێن جەنابێ سەرۆك (مەسعود بارزانی) پێشمەرگەیێ هەر دو شۆرەشێن ئیلۆن و گولانێ (زەینەل رێكانی) دبیتە بەرپرسێ پێشمەرگەیێ كوردستانێ ل دەڤەرێ و دبیتە ئەندامێ لژنا گولان، و بەرپرسێ لەشكری و نێزیكی 600 گەنجێن رێكانیان هاتنە تۆماركرن وەك پێشمەرگە، و گەلەك دەڤەران هاتنە ناڤ رێزێن شۆڕەشێ وەكی دەڤەرا دۆسكی ژوریا (عەریف یاسین) بەرپرسێ لەشكریێ ئەڤێ هەمی هێزێ هاتە دەستنیشانكرن هەتا هەوا ئەنفالێن رەش یێ بەردەوام بووم.
زەینەل رێكانی، پێشمەرگەیێ هەر دو شۆرەشێن ئیلۆن و گولانێ ئەو ژی گۆت: ل هەوا ئەنفالێن رەش وەكی هەمی پێشمەرگەی و خەلكێ شەرەف مەندێ كوردستانێ مە قەستا وەلاتێ توركیا كر، بوو مە بەرپرسێ دو (عێلان) (عێلەك) ل گەڤەرێ بوو و (عێلەك) ل كەرەم ئاغای بوو، و ئەز و (محسن ئامێدی) ژی ل گەل من بوو، دوڤدا بتنێ مام هەتا دووماهیێ، ل كەمپێن توركا كاودانێن خەلكێ مە بگشتی گەلەكێ نەخوش بوون، و دەردورێن مە هەر هەمی هاتبوونە گرتن و مە چ بزاف هاتن و چوون یا سنورداركری بوو، دوڤدا فەرمانا جەنابێ سەرۆك (مەسعود بارزانی) گەهشتە من و تێدا فەرماندا بوو، كو چ خەلكێ مە نەچیتە ئیراقێ و من ژی گۆتێ یێ دڤێت بچیتە موشێ بلا بچیتە موشێ ویێ دڤێت بچیتە ئیرانێ بلا بچیتە ئیرانێ .
پێشمەرگەیێ هەر دو شۆرەشێن ئیلۆن و گولانێ زەینەل رێكانی دیاركر، كو پتر ژ 10 جاران سەرەدان بۆ دەف سەركردێ نەتەوا كورد (مەلا مستەفا بارزانی)كرینە و گۆت: دەمێ مە سەردانكرن گەلەك كەیفا وی ب مە دهات بوومە تاخفت و ئاخفتنەكا وی بیرا من و گۆت: (دەمێ كەسەك دهێت سزادان و پارەكی هوون بەرامبەر شاشیا وی هوون وەردگرن ئەوی پارەی بدەنە ئێتیمەكی یان بەلنگازەكی و ئەگەر نەبوو بدەنە هەژارەكی یان كورەكی یان پەككەفتی یان رێكەكێ پێ دروست بكەن، و ئەگەر چ ژ ئەڤان نەبوون پێش چاڤێن خەلكی ئاگری بەردەنە وی پارەی و نەكەنە دبەریكا خوە دا، و ئەگەر هەوە كرنە دبەریكا خوە دا وی دەمی هوون دێ بنە دز، چاڤێ هەوە بلا وێ چەندێ نەبیت و ئەزێ چاڤێ خوە دەمە هەوە) و بۆ خودێ بێژین (مەلا مستەفا بارزانی) گەلەكێ مەرد بوو و چاڤێ خوە ددامە.
زەینەل رێكانی بەحسێ كاودانێن نەخوشێن ژیانا خوە كر گۆت: ل دەسپێكا شۆرەشا ئیلۆنێ و تایبەت دەمێ مالا مە ژ مویسل هاتی هەتا سەرهلدانێ زڤرینە كوردستانێ (25) جهان من مالا خوە ڤەگوهاستیە و هەر جهێ چوویمێ ژی من چ نەبریە.
ل دووماهیێ پێشمەرگەیێ هەر دو شۆرەشێن ئیلۆن و گۆلانێ گۆت: داخوازا من ئەوە هەمی پارتێن كوردستانی دەستێن خوە بكەنە تێكدا و ئەو ماندیبوون و شەهیدبوونا پێشمەرگێ كوردستانێ دیتی ب هەر وە نەچیت، و داخوازێ ژ هەر دو پارتێن كوردستانی(پارتی و ئێكەتی) دكەم زێدەتر نێزیكی ئێك بن و ژین و ژیارا خەلكێ كوردستانێ خوش بكەن، و ژ ئەڤان كاودانێن بەرتەنگ دەربازببن.
