ل ئاكرێ كەلەخێن پەزی دهاڤێژنە سەر جاددەیێن سەرەکی
رەمەزان زەكەریا
پشكەكا وەلاتیان بێی گوهدان ب رێنمایێن ساخلەمیێ و ڤێتێرنەریێ كەلەخێن پەزی ل سەر جادەیان دهاڤێژن و ئەڤە دبیت سەدەم بۆ بەلاڤبوونا نەخۆشین پیستی و بێهنا پیس، ئاكنجیێن ڤی تاخی ژڤێ رەوشا خراب و مەترسیدار بێزاربووینە.
فەرزی ستار، وەلاتیەكێ ئاكرێیە بۆ ئەڤرۆ گۆت: خەلك ل تاخێن ١١ ئیلونێ ل حەسەن بەدوی و ل حەجی غەنی پەزا ڤەكوژن و دێ ل وێرێ را سەروپێ و پیساتیا پەزی ئینن هاڤێژنە ڤێرە، مە چ خۆشی نەمان، خەلكێ ڤان گوندان ژی چ خوشی نینە.
تارق فەتاح ، وەلاتیەكێ دن یێ ئاكرێ یە بۆ ئەڤرۆ گۆت: رۆژانە پتر ژ 10 ترومبێلان دهێن كەلەخێن پەزی دهاڤێژنە ڤێرە و صە و پشیلە و هەمی تشتێت پیس دهاڤێژنە ڤێرە، بێهنا پیس ئەم یێن بێزار كرین و مە چ خوشی نینە، نوكە ژی دەما هنگ ل ڤێرە ترۆمبێلەك هات و پیساتی هاڤێتە ڤێرە. مە چ خوشی نەماینە ل بەر بێهنا پیس مالێن مە یێن ڤێرە ئەم روژانە هاتنوچونێ دكەین، دڤێت كەمامێ گرێدەین.
بلند رەزا، سەرۆكێ باژێرڤانیا ئاكرێ بۆ ئەڤرۆ گۆت: ئەڤە كارەكێ نەیاسایی یە خەلك ل مالێن خوە پەزی سەر ژێ دكەن و بێی مە ڤان پاشمایكان دهاڤێژنە سەر جاددا سەرەكی، هەر دەما مە زانی ئەو كەس كینە دێ رێكارێن یاسایی گرینە بەر.
