هارۆن ئەحمەد بوویە جهێ حێبەتییا ئیراقێ
حاجی دۆسكی
راگەهاندنا وەرزشی رولەكێ هەر گرنگ هەیە بوو پێشئێخستنا وەرزشی كو بوویە پرەك دناڤبەرا جەماوەرێ وەرزشڤانا، بێ راگەهاندن هیچ خوەشیا وەرزشێ نابیت، دڤان روژێن بۆری دا راگەهاندنا وەرزشی ل ئیراقێ دپترییا بەرنامەیێن خوە فۆكسا وان هەموو كەفتیە ل سەر ستێرێ یانەیا دهوك هارۆن ئەحمەد، پترییا شولەڤەكارین فتبۆلێ ئاستێ وی مەندهوشبوون تایبەت پشتی وی ئاستی دگەل یانەیا جەویە، هارۆن بڕبڕا تیما دهوكە، پسیار ئەوە بۆچی شیایە ڤی ئاستی نیشانبدەت! ئەری راهێنەرێ دهوكێ كارتێكرن لسەركریە! رۆلێ وی یێ دروست پێ راسپاردیە یان ئەڤە ئاستێ وی یێ راستەقینەیە! هەلبەت راهێنەرێ دهوكێ ئەركێ وی ب دروستی پێ دایە دا بشێت دەلیڤەیێن زێرین بۆ تیما خوە پەیدا بكەت، دگەل هندێ كابتن هارۆنی هزرەكا ئەندازیاریێ هەیە دناڤا گورەپانی دا هەر تەپا بۆ هەڤالێن خوە دروست دكەت یا مەترسیە، هارون ژوان یاریزانایە شیم بێژیم رەوشنبیریەكا وەرزشی یا باش دەڤ هەیە شیایە ڤێ پێنگاڤێ ئاستێ خوە،پارێزیت، گەلەك یاریزانین كوردستانی دەسپێكەكا باش هەبوویە لێ نەشیاینە ئاستێ خوە پارێزن تووشی(غرورێ)بووینە ئاست پاشڤە جووینە لێ كاپتن هارونی ژڤێ خەسلەتی دوورە، هەبوونا وی دناڤ گورەپانێ دا دلێ جەماوەری ئارم كەت، پشكەكا راگەهاندكارێن ئێراقی و جەماوەرێ ل سەر تورێن چڤاكی داخاز كریە هارۆن بوو یانەیەكا بەغدایی بكەت دا پتر نێزیكی جەماوەری بیت و خوەشیێ ژ ئاستێ وی بینن، وەكو جەماوەر دبێژین ئەڤ ستێرە هەژی ل خولەكا
مەزنتر بكەت وەكو خولا سعۆدی یان قەتەرێ، لێ داخواز هەر مەزن یا جەماوەرێ ئێراقی راهێنەر خیسوس كاساس ڤی یاریزانی بۆ هەلبژارتیێ ئێراقێ گازیبكەت، ئەو ئاستێ پێشكشكری هەژی دبینن هەرچەند یادرۆست ئەڤ یاریزانە زووتر هاتبا داخوازكرن، وەكو بووچوون ئەگەر هارۆن نەهاتە هژمارتن ئیك ژوان 22یاریزانا بۆ یارییا هەلبژارتیێ ئێراقی دگەل كویت وفەلەستین هوسا دیاربیت راهێنەر نەخودان بڕیارە، ئێدی هارۆن بوویە نیشاندەرك بۆ یاریزانێن تازەپێكەهشتی و ولاوان بلا چاڤ لێ بكەن، ئەڤ گەنجە چەوا ئاستێ خوە بەرزكر نەبتنی د راهینان دا بەلكو ژدەرڤەی یاریگەهێ ژی خوە پاراستیە هەتا ئەڤرۆ پەسناوی بێهتە كرن.
