بوهایێ یاریزانان ب پارەی ناهێتە هەلسەنگاندن
حاجی دۆسكی
د جیهانا فوتبۆلێ دا گرێبەستێن گرانبوها و مووجەیێن بلند پشكەكە ژ هەڤڕكییا یانەیانە، لێ ئەڤە ڕامانا وێ نینە یانە دێ گەهیتە گوپیتكێ و ئەنجامێن باش هەبن، سەركەفتن بتنێ پارەیی ناهێتە هەلسەنگاندن شێوازێ یاریێ ئاستێ تەكنیكی و ئەنجام د ناڤ یاریگەهێ دا دێ بوهایی بۆ یاریزانی دیاركەت، بۆ ماوەیێ سێ وەرزە ل خولا ستێرێن ئێراقێ چار هەتا پینچ یانە بووینە هەڤڕٍك لسەر بلندكرنا گریبەستێن یاریزانان تایبەت یێن نافخۆ كو پتری ملیار دیناران دەربازكرینە، پسیار ئەوە ئەرێ هەر یاریزانەكێ گرانبوها دێ وی ئاست و ئەنجامی بۆ یانەیێ پێشكێشكەت یان كارگێری دێ ڤێ كاری كەت ژبۆ رازیكرنا جەماوەری! بەرسڤ یا دیارە ئەنجامێن یاریزانێن خودان گریبەستێن ملیاران دیارن بێ مفا بووینە و بووینە بارگرانی لسەر یانەیێ، یانە هەیە ل خولا ئیراقێ یا بێ یاریگەهە ب بهایێ دروستكرنا دو یاریگەهێن مودرن یاریزان ئیناینە، نزانم كارگێریێن ڤان یانەیان لسەر چو پێڤەر كار دكەن! ترس دكەن هەكە یاریزانێن گرانبوها نەئینن دێ دیرۆكا وان رەشكەت ل دەف دلسوزێن یانەیێ، گەلەك یانە هەنە خودان بوودجەیەكا سنوردارن لێ هەلبژارتنا یاریزانان كارەكێ نایاب كریە تیمەك ب روحیەت دروستكریە شیاینە ئەنجامێن باشت دەستڤە بینن، ئەڤە بوو مە دیاركەت كیشە نە ب تنێ پارەیە بەلكو شێوازێ ب رێڤەبرنێ یە، كارگێری دڤێت بزانیت كیش یاریزان دی ل گەل تیمێ گونجیت، دبیت یاریزان ل یانەیەكێ سەركەفتی بیت لێ یانەیەكا دی سەركەفتی نابیت، نموونە ژی شێرزود یاریزانێ یانەیا زاخۆ هەتا نوكە ئەوا بۆ هەولێرێ كری 1% بۆ زاخۆ نەكریە، تیما سەركەفتی ئەو نینە یاریزانێن ستێر ل خوە كۆمڤەبكەت، گرنك ئەوە یاریزان ئەركێ خۆ رابیت، ئەو ئەنجامێن یانەیا زاخۆ هەتا نوكە دەستڤە ئیناین بووچوونا من ئەگەر تیما زاخۆ یا خولا كوردستانێ ل جهی وان پشكداریكربا دا ڤان ئەنجامان ئینن، دڤێت دلسوزی ل دەڤ یاریزانی هەبیت ئیكەم جار نە بتنێ چاڤ ل كوژمەیێن پارەیی بیت، پشكدارییا یانەیا گازا باكوور بۆ ئیكەم جارە مووچەیێن گشت تیمی بۆ هەر مەهەكێ 220ملیونن ئەڤ یانە شیایە وان یانەیان ب راوستینیت یێن بهایی ئێك یاریزانێ وان پتری ملیارەكێ یە، دیاربیت سەركەفتن بتنێ ملیارێن دیناران ناهیت بەلكۆ سەركەفتن ب پلانەكا دارشتی و هەلژارتنا دروست و كارەكێ ئێگرتی دهێت.