پشتەڤانییا فدراسیۆنا فوتبۆلا كوردستانێ ئەركە
حاجی دۆسكی
ل سەر ئاستێ جیهانی وەرزش نەبتنێ دەم بۆراندنە بەلكۆ پشكەكا گرنگە یا كومەلگەهێ رێكەكە بۆ ناساندنا بەهرەیێن لاوان، ل هەرێما كوردستانێ ئەڤە بۆ ماوەیێ چەندین سالە پترییا قارمانیێن وەرزشی نەماینە تایبەت پشكدارییا هژمارەكا یانەیان ژ ئەگەرێن قەیرانێن دارایی، تنێ فدراسیۆنا فوتبۆلا كوردستانێ تا رادەیەكی شیایە بەردەوامییێ بدەتە كارێ خۆ، راستە تێبینی و ڕەخنە هەبووینە، لێ بەردەوامبوونا وان پێنگاڤەكا باش دزانم، فدراسیۆنا فوتبۆلێ بەرپرسیارەتیا چەندین قارەمانی و خولێن جودا كرینە، هژمارەكا زور یا یاریزان و راهێنەرا پشكداربووینە، ئەف كارە پێدڤی بۆدجەكا گونجای و پشتەڤانییا داراییا بەردەوامە، ئەگەر پێدڤیێن ڤێ فدارسیۆنێ كێماسی كەتنێ ل ئاستێ پێدڤی نەبوون ئەنجامێن راستەخو دێ ل سەر خولێ دیاربن، مووچە،پاداشتێن دادڤانا، یێن سەرپەرشتیاران، هاتنووچوون و كارێن رێكخستنێ هەمی پیدڤی پارەیێن زور هەنە، بەرۆڤاژی ڤی چەندی دێ كارێ وان تووشی ئاستەنگا بیت، پێدڤی یە حكومەتا هەرێما كوردستانێ وەرزشێ وەكۆ پروژەیەكێ درێژخاین بیتن، نە بتنێ ل هیڤییا هندەك خەرجیاتا بیت بۆ كارێ رێڤەبرنێ، پشتەڤانیا فدراسیۆنا كوردستانێ واتە پشتەڤانییا یاریزانێن كوردستانێ یە نەك دەستەیا رێڤەبرنا فدراسیونێ یە، ئەڤە دبیتە رێك بشێن ل یانەیێن هەرێمێ شیانێن خۆ دیاربكەن تا بگەهنە ئارمانجا خو ل سەر ئاستی دەولەتێ چەندین یاریزانێن كوردستانی بەرەڤ یانەیین ئێراقێ چووینە مینا ئاكام هاشم، عەلی شاخوان، دلوڤان مەهدی، سیپان سەدیق و موسا شوكر و گەلەكێن دی، لەورا پێدڤی یە بەرپرسێن هەرێمێ باشتر ل سەر پشتەڤانیا دارایی ڕاوەستن، هزر بكەن ئەڤ فدارسیونا دەرگەهەكێ ژیانا سەدان یاریزان و راهێنەرا یە، ل ڤان روژین دەربازبووین هاتە گوتن ل راگەهاندنێ پشكەكا بووجەك بۆ فدراسیۆنا كوردستانێ دەستنیشانكریە، ئەگەر راست بیت جهێ پرسیارێ یە ئەو هژمارا هاتیە ڕاگەهاندن كێمترە ژ پێشەكی یا یاریزانەكێ لالیگا ئێراقێ یە! راستی ئەفە نابیتە پشتەڤانی دڤێت رێك بهێتە ئاسانكرن بۆ فدراسیۆنا كوردستانێ بشێت رێكێن وەبەرهینانێ داهاتیێ پەیدابكەت تا بشێت ل سەر شیانێن خۆ یێن دارایی كاری بكە ت، دێ باشتر بیت ڤێ رێكێ ئەركێ حكومەتی سفكتر بیت ژلایەنی دارایی ڤە .