د هه‌یڤا ئێك دا پاییزا چار هونه‌رمه‌ندێن ناڤدار ده‌ستپێكر
ئەڤرۆ، هەرهین محەمەد:
هه‌رسال ل هه‌یڤا ئێك سال رۆژا چار هونه‌رمه‌ندێن ناڤداره و حه‌زژێكه‌رێن ده‌نگێ وان ژی رۆژا وه‌غه‌ركرنا وان ژبیرناكه‌ن و ب به‌لاڤكرنا پارچەیە‌كا سترانا وان، یان وێنه و ژیاناما وان ل تورێن خۆه یێن جڤاكی به‌لاڤدكه‌ن.
ده‌نگبێژێ كوچكۆ دیوانان خه‌لیل باكۆزی ناڤێ وی یێ دروست خه‌لیل مسته‌فا داود یێ به‌رنیاسه خه‌لیل باكوزی(بابێ ئیسوی) ل سالا 1932ل گوندێ باكۆزێ ژدایكبوویه و ناڤهاتی هه‌ردگه‌نجاتیا خوه داغبارێ ده‌نگێ ده‌نگبێژ (ئیسلام قاسمێ) قارقاره‌ڤای و ئیسڤێ عه‌بو خورتا بوویه و ئێكه‌م سترانا گۆتی (له‌علیخانا گوڤه‌ی) بوو و هه‌ردیسان ئه‌وی سه‌لیقا خوە یا تایبه‌تیا گۆتنا سترانێ هه‌بوو و به‌رهه‌مه‌كێ باش ل دووڤ خوه هێلا و هه‌روه‌سا گه‌له‌ك ستران و كلیپ ل گه‌له‌ك ل ته‌له‌ڤزیون و رادیۆیێن كوردستانێ هاتینه تۆماركرن و ب رێیا پرۆگرامێن تایبه‌ت یێن فلكلۆری و ئاهه‌نگ و بیره‌وه‌ری یا و ژ بۆ خزمه‌تا وی یا به‌رده‌وام ل سه‌ر گۆتنا سترانا خه‌لیل باكۆزی هاتیه خه‌لاتكرن ژلایێ وه‌زاره‌تا ره‌وشه‌نبیری و رێڤه‌به‌ریا ره‌وشه‌نبیری و لاوان ل دهۆكێ و رێڤه‌به‌ریا هونه‌رێ مۆزیكی ب ئاهه‌نگه‌كا تایبه‌ت و ب ئاماده‌بوونا وه‌زیرێ ره‌وشه‌نبیری د. كاوه مه‌حمود و ناڤبری ل شه‌ڤا 19 ل سه‌ر 20 كو دبیته رۆژا ئێك شه‌مبی رێكه‌فتی 20/1/2013 وه‌غه‌ركریه و ب رێوره‌سمه‌كێ ژ هه‌ژی ل گورستانا شاخكێ هاته ڤه‌شارتن.
هونه‌رمه‌ند عه‌بدولواحد زاخۆیی ناڤێ وی یێ دروست عه‌بدولواحد قه‌دری نه‌جمه‌دین و ل سالا 1972 ل زاخۆ ژدایك بوویه و ئێكه‌م به‌رهه‌م ل سالا 1992 توماركر و دووماهیك به‌رهه‌م ل سالا 1999 توماركربوو وزێده‌تری سه‌د سترانێنتوماركری هه‌نه و پشكداری سه‌دان ئاهه‌نگ و شه‌هیان و بیره‌وه‌ریا بوویه و شیانێن وی یێن هونه‌ری دبێ سنوربوون دگۆتنا مه‌وال و په‌سته و سترانێن ده‌وات و شه‌هیانان دا هه‌ردیسان ب ده‌هان سترانێن خوه كلیپ كرینه و دووماهیی به‌رهه‌مێ وی بگرنژه بوو كو ل به‌ربوو ل نه‌وروزا سالا 2000 به‌لاڤ بكه‌ت، به‌لێ قه‌ده‌رێ نه‌هێلا توماربكه‌ت.
هونه‌رمه‌ند ئه‌رده‌وان زاخۆیی ل شه‌ڤا 28 ل سه‌ر 29/1/1986 بێ سه‌رو شین دبیت، به‌لێ هه‌تا نوكه شوین تبلێن وی ل سه‌ر هونه‌رێ ستران گۆتنێ دیارن و به‌رده‌وام سترانبێژ سترانێن وی دبێژن و كلیپ دكه‌ن و پشتی ئه‌رده‌وان هاتیه به‌رزه‌كرن چو زیاره‌تێن وی نین كو رۆژا وه‌غه‌ركرنا وی مالباتا وی بچنه سه‌رگورا وی، له‌ورا هه‌ر سال وێ رۆژێ مالباتا وی قه‌ستا مالا خالێ خوه و هه‌موو پێكڤه ته‌ماشه‌ی بیرهاتنێن وی ل ته‌له‌ڤزونێ دكه‌ن و بیرهاتێن وی و ژیانا وی دهێته به‌حسكرن.
هونه‌رمه‌ند ئه‌یاز زاخۆیی ناڤێ وی یێ دروست (ئه‌یاز یوسڤ ئه‌حمه‌د) یێ به‌رنیاس ب ئه‌یاز یوسڤ، یان ئه‌یاز زاخۆیی و ل سالا 1961 ب زلخۆ ژدایك بوویه و خۆاندنا خۆه یا سه‌ره‌تایی و ئاماده‌یی و چاندنێ ل زاخۆ ب دووماهی ئینایه و ئه‌یاز ژ بنه‌ماله‌كا ده‌نگخۆشو حه‌زژێكه‌رێن هونه‌ریبووینه، له‌ورا هه‌رژ زارۆكینی حه‌زوڤیانا ستران گۆتنێ لنك په‌یدابوویه و باپیر و مام و و برایێن وی گه‌له‌ك پشته‌ڤانیا وی دكر ژ بۆ ستران گۆتنێ و هێشتا قوتابی بوو پشكداری دئاهه‌نگێن قوتابخانێ دادكر و هه‌روه‌سا ل سالا 1976ل گه‌ل برایێ خوه ره‌مه‌زان یوسف ل چه‌ندین ئاهه‌نگ و شه‌هیانان ئاماده‌بوو و ستران گۆتن و ئه‌زیاز توشی نه‌خوشیه‌كێ دبیت و نه‌خوشیا خوه‌ل كه‌س و كارێن خوه ڤه‌دشێریت هه‌تا دووماهیێ بێزاردبیت و نه‌چار دبیت دچیته نوشداری و پشكنین بۆ دهێنه‌كرن و توشی نه‌خوشیه‌كا گرن دبیت و ژ ئه‌گه‌رێ وێ نه‌خوشیێ دژیێ بیست و شه‌ش سالیێ دا ل 20/1/1986 ل نه‌خوشخانه‌كا باژێرێ میسل وه‌غه‌را دووماهیێ دكه‌ت.
