ژ ئەگەرێ نەهاتنا بارانێ پێنج بەنداڤ ل شێخانێ هشكبووینە
شێخان، بارزان مزووری:
ئەندازیار ئیبراهیم میرانی، رێڤەبەرێ ئاڤدێریا شێخان بۆ رۆژناما ئەڤرۆ دیار كر، ژ بەر گیرۆبوونا بارانێ د دەمێ خۆ دا، ژ سەرجەمێ نەه بەنداڤان ل شێخان پێنج ژ وان هشك بووینە، ئەوێن هشك نەبووین ژی 50% ئاڤ تێدا مایە، ب تنێ ل بەنداڤا خەنس سالا بۆری حەفت ملیۆن مەترێن چارگوشە یێن ئاڤێ تێدا هاتبوونە كۆمكرن، لێ نوكە ب تنێ سێ ملیۆن مەترێن چارگوشە یێن ئاڤێ تێدا ماینە
ناڤهاتی گۆت: «سەرجەمێ 500 كانیان ل شێخان، ژ بەر نەهاتنا بارانێ 75% ئەو كانی هشك بووینە و مەترسی ل سەر وان ژی هەیە یێن نها ئاڤ تێدا، د سالا بۆری دا، ل ڤی دەمێ سالێ 365 ملیمێن بارانێ ل شیخان باریبوون، ئەڤ سالە هەتا نوكە ب تنێ 80 ملیم بارینە».