ئەگەرێن بجهـ نەئینانا رێككەفتنا شنگالێ ل پەرلەمانێ ئیراقێ دێ هێنە بەحسكرن
دهۆك، لەزگین جۆقی:
ئەندامەكا پەرلەمانێ ئیراقێ دیاركر، وان داخواز كریە وەزێری ناڤخۆ یێ ئیراقێ بۆ پەرلەمانی بهێتە داخوازا كرن و بەحسا ئەگەرێن بجه نەئینانا رێككەفتنا شنگالێ بكەت.
ڤیان دەخیل، ئەنداما پەرلەمانێ ئیراقێ بۆ رۆژناما ئەڤرۆ گۆت: «ب رێكا نڤیسارەكێ مە داخواز ژ پەرلەمانێ ئیراقێ كریە، كو د ڕوونشتنەكا پەرلەمانی دا وەزیرێ ناڤخۆ بەرهەڤ ببیت و ئەگەرێن بجه نەئینانا رێككەفتنا شنگالێ ئاشكرا بكەت، ب تایبەتی خالێن گرێدایی رەوشا شنگالێ د وارێ تەناهیێدا، هەروەسا بەحسا ئەگەرێن گیروبوونا دامەزراندنا 350 پۆلیسێن شنگالێ بكەت، كو ئەڤە چەندین سالن ڕازیبوون ل سەر هاتیە كرن و هێشتا نەهاتینە دامەزراندن».
