ل داستانا كانیماسـێ فرۆكەیێن دوژمنی هەڤژین و دو زارۆكێن من شەهیدكرن
دیدار، سالار محەمەد دۆسكی:
5 – 5
ئەم هاتینە بازێ د.(رۆژ) نێزیك مالا موختاری بوو گۆت هەرن بێژنێ ئەگەر بشێت بچیتە دناڤا حوكمەتێ دا ئەم دێ هاریكاریا وی كەین و ئەگەر نەشێت دێ رەوانەكەین دێ سوبە رەوانەی ئیرانێ كەین و من گۆتێ ئەز شێم بچم، گۆتە ئوسمانی بگەهینە و دێ نوكە پەیوەندیێ ب كەسەكی كەین ل گەلیێ دیهێ ب ترەكتورێ دێ هێتە بەراهیێ و ب رێكێن تایبەت دێ گەهینتە (سكرینێ) ئەم ب سەركەفتین، لەشكەری ل (بێگوڤا) ئەم دیتین چونكە گلوپێن ترۆمبێلێن هەلبوون دانا مە ب توپان، (ئوسمان) گۆت خوە قورتال بكە من گۆتێ زارۆكێن گەل من بخودێ ژ ترۆمبیلێ ناهێمەدەر و هندەك توپ هاڤێتن وێ ژنا ل گەل مە ئەو زارۆك برنە جهەكی هەتا توپ راوستیاین (ئوسمانی) گۆت ئەم دێ بێ گلوپ چین و دێ ڤەمرینین و نێزیكی بانكێ عەیشا بوو و پێشمەرگە ژی ل گەل (ئوسمان) بوو یێ بناڤی بوو دبێژنێ (سەعید) (ئوسمان) ل گەل خوە ئینا ب بهانا وێ چەندێ دا شوێ ڤە ل گەل بزڤریت و ئەم گەهشتینە گەلیێ دیهێ تەرەكتورەك هات و (ئوسمان) گۆتێ دێ ئەڤان گەهینیە سكرینێ و خودانێ ترەكتورێ گۆت ئەز نەشێم و (ئوسمان ) گۆتێ فەرمانا (د. رۆژە) و ئەگەر نە ڤەگوهێزی نوكە دێ ب جیهازی ل گەل ئاخڤم، خودێ تەرەكتورێ نەچار بوو و گۆت سواربن و ئەم ب رێكەكا ئاخێ را برین و ئەم ل سەر جادێ نەچووین ژ بەر حوكمەتێ و ئەو رێكا ئەم تێدا هاتین زێدەتر رەبیێن چەتا بوون و دەمێ ئەم ژ ترۆمبێلێ هاتینە خوار پارە ژ بەریكا من كەفتن و ترۆمبێلا بلندە و ئەم تەرەكتورێ سوار بووین و (ئوسمان) ئەو زڤرین و پشتی ماوەكی ئەم هاتین من ئاگەه ژ خوە هەبوو كو پارێن من نەماینە و من گۆتە شوفێری گۆت برا بخودێ نەشێم بزڤرم و ئەگەر بزڤرم دێ هەوە هێلم، من گۆتێ هەرە برا بزوركە یێ قانع بووی و هەر بەرا بەرا یێ پت پتێ ژ دكەت و هێدی هێدی هات و هەتا ئەم گەهشتینە (سكرینێ) ئەم ئیناینە مالەكێ و نێزیكی بانكێ (سپێدێ) یە و خودانێ مالێ پێشتر هاتبوو ئاگەهداركرن كو پێشوازیێ ل مە بكەت و گۆت بوو شوفێرێ تەرەكتورێ بگەهینە فلان مالێ، خودانێ مالێ گۆت بۆ هەوە چ بكەم ؟ جهێن هەوە بدانین؟ من گۆتێ بۆ مە چارە بكە ئەز هەمی خوینم و خوینا كوركی هەرا دهێت و جار جار دكەتە گری و جار جار یێ بێ دەنگە، من گۆتێ بوومە سحكە ترۆمبێلەكێ هێشتا دون یا روون نەبووی و دا ئەم خوە ب هاڤێژین گۆت بلا، گۆت ئەڤە جیرانەكێ مەیە و دێ بێژمێ و جیران هات هوسا ئەم دیتین گۆت نەوێرم ڤان ببەم و شوفێری گۆت حوكمەتێ ئەم گازی مرینە و گۆت هەر كەسەكێ بریندارەكی ژ كانی ماسێ بگەهینتە دهۆكێ پاش بلا گازندا نەكەت و ئەز نەوێرم، خودانێ مالێ گۆت ئێكێ دی هەیە و چوو گۆتێ ئەو ژی گۆت نەوێرم ئەز نابەم، من گۆتێ برا بتنێ رێكێ نیشا مە بدە بچینە سەر جادێ و هێشتا دونیا روون نەبووی و نەكو ئێك بێژیتە حوكمەتێ و ئەڤجا بووتە ژی ئاریشە پەیدا بیت و ئەو ژی گۆت برا ئەڤە رێكە و مە گۆتێ ئەم مەم نونین و مالا تە ئاڤا، ئەم چووینە سەر جادێ و ترۆمبێلەك هات و مە راوستاند و هوسا ئەم دیتین گۆت من جه نینە و پشتی ئەم هوسا دیتین، من گۆتە ژناما (بەلقیس) ئەز دێ روینمە خوار و ئەگەر ترۆمبیچلەك هات تو ل گەل باخڤە و هەرە پێشیا ترۆمبێلێ و ئەم دێ چینە پشتێ دا دا مە نەبینت و ترۆمبێلەكا كرونا هات و راوستیا ئەم سوار بووین و گۆت خێرە بچویكی مە گۆتێ بانی دا كەفتیە وی ژی گۆت سلامەتی بیت و ئەم هاتینە باگێرا زالگەهكا حوكمەتێ وێرێ بوو گۆتن خێرە مە گۆتێ بانی دا كەفتیە و گۆت بلەز ببنە نەخوشخانێ و ئەم هاتینە بێسرێ زالگەهەك هەبوو ئەوا ژی گۆت بلەز ببنە نەخوشخانێ و ئەەم نێزیكی دهۆك بووین و شوفێری گۆتن دێ كیڤە چن؟ مە گۆتێ مە ببە تاخێ نوهدرا وی دەمی مالا مامێ من وێرێ بوو و ب رێڤە گۆت هەوە خێرە ؟؟ هون نە سرۆشتی نە مە گۆتێ بابەتە ئەڤە یە گۆت بخودێ من زانیبا هەوە نیڤا دهۆك دابا من ئەگەر من هوین ئینابان، و مالا مامێ من (حسێن) پارێ شوفێری دایێ و ئەو چوو و ئەم چووینە ژوور و ئەڤجا دێ چەوا چینە نەخوشخانێ وی دەمی مامێ من ل ئیدارا محلی بوو خوارن بۆ چێدكر و بابێ من بابەت بۆ پارێزگەری شرۆڤەكر و گۆتێ برازایێ من مامۆستا بوو وهوسا ئەڤە ب سەری هاتیە و پارێزگەری گۆت بلا ببنە نەخوشخانێ دێ ل گەل ئاخڤم وی دەمی رێ؟ەبەرێ نەخوشخانا تەنگاڤیا دكتور (ئەمیر) بوو یێ بامەرنی بوو نوكە یێ ل دەرڤەی وەلاتی و ئێكێ مرۆڤێ مە كورخالەتێ رێڤەبەرێ نەخوسخانێ بوو و ئێكسەر ئەوی ژی پەیوەندی ب رێڤەبەرێ نەخوشخانا تەنگاڤیا كر و گۆتێ رۆژا ئەینی یە و دەمژمێرەك مایە بۆ نڤێژا ئەینی و دەمژمێر 11ی سپێدێ یە وی دەمی نەخوشخانا تەنگاڤیا ل جهێ نەخوشخانا زارۆك بوونێ یا نوكە بوو و ئەم هاتینە وێرێ و نوژدار ئاگەهدار كربوو و نوژدارەكێ هەی (محەمەد عەلی عومەر) یێ كوچەر بوو و رێڤەبەرێ نەخوشخانێ ل گەل ئاخفت بوو و گۆت دێ هووینە بەر دەرگەهی و ئێكسەر ببە ژوور و نەهێلە ب راوستیت و ئێكسەر ببە ژوورا نشتەگەریان و دەمێ ئەم گەهشتینە بەرد ەرگەهی هندەك پولیس هاتنە بەردەرگەهی و ئاخفتن و خێرە ب زمانێ عەرەبی تاخڤن هەر زووی عەرەبانە هات و مە دانا سەر و برە ژوور ڤە و پولیسان گۆت نابیت دكتور و دڤێت دیفچوون بهێتەكرن خیرە ، دووف دا پەیوەندی ژ پارێزگەری بوو هات و ئەو ژی بێ دەنگ بوون و پشتی دو رۆژان ل نەخوشخانا تەنگاڤیا ئەم هاتینە رەوانەكرن بۆ نەخوشخانا ئازادی كو بەرێ دگۆتنێ نەخوشخانا (صەدام) ئەو سالەك بوو ئەو نەخوشخانە هاتبوو ئاڤاكرن و ئەم دو هەیڤان ماینە دنەخوشخانێ ڤە و ئەو كورێ منێ دی ملێ وی گرێدا بوو و كچا بچیكا لاندكێ ژی تبلەكا وێ سوت بوو ئەو ژی هاتنە چارەسەركرن و ئەوێن شەهید بووین هەر رووژا دی ل گورستانا گوندی هاتبوونە ڤەشارتن.
مامۆستایێ شۆرەشێ و پێشمەرگێ شۆرەشا گولانا پێشكەفتنخواز گۆتژی: خودێ مافێ هەڤژین و زارۆكێمن من بەرزەنەكەت یێ بووینە ئەگەر و ئەڤە ب سەرێ مە ئینای و ئەو شەڤا بەری هەڤژینا من شەهید بیت هەتا سپێدێ وێ نان چێدكر و وێ پێڤەدا و من ژێ ڤەدگر بۆ پێشمەرگەی و دیلێن هاتینە دەستەسەركرن و ێ رۆژژێ ئێكێ مەسیحی ژی بناڤێ (ئیشە) هاتبوو شەهیدكرن و گوه درێژەك ژی ل گەل هاتبوو كوشتن و گوشتێ هەر دوكان ناڤكدا بوو تە نەزانی كیشكێ كێ یە، ب بۆچوونا من ئەو خەلكێ سپێدێ یێ گوندی و قەستا مالا مەكرین فرۆكێ سپێدێ دیت بوون و لەوما ئێكسەر بۆ مالا مە هات و قومبلە هاڤێتنێ و ئیشە ب رێڤە دیت بوو و ساروخەك بەردابوویێ .
