كۆمپانیا DeepSeek پێشChatGPT وOpen AI كه‌فت
كۆمپانیا “DeepSeek” د ماوێ كێمتر ژ دو سالان دا، د وارێ زیره‌كیا ده‌ستكرد دا، شیایه بازاره‌كێ گه‌له‌ك باش بۆ خوه ببینیت و هه‌ڤركیا مه‌زنه كۆمپانیێن ئه‌مریكی بكه‌ت. گرنگترین تایبه‌مه‌ندیا وێ ژی ئه‌وه كو ژێده‌رێن وێ د ڤه‌كری نه.
كۆمپانیا “DeepSeek” یا نوویه؟
كۆمپانیا “DeepSeek” كۆمپانیه‌كا نوو یا چینی یه د وارێ زیره‌كیا ده‌ستكر دا، ژیێ وێ ساله‌ك و چه‌ند هه‌یڤه‌كێن كێمن، ل ده‌ستپێكا ئه‌ڤ ساله نموونه‌یا خوه یا زیره‌كیا ده‌ستكرد خستیه به‌ر ده‌ستێ بكارئینه‌ران.
كۆمپانیا چینی ئه‌ڤ سیسته‌مه ب ژێده‌رێن ڤه‌كری خستیه به‌ر ده‌ستێ بكارئینه‌ران، ئانكو دشیانێن تایبه‌تمه‌ندێن ڤی واری دا هه‌یه پێش بێخن و پشكنینا وی ژی بكه‌ن، ئانكو دشیان دایه ده‌ستكاریێ تێدا بكه‌ن و به‌ر ب پێش بێخن.
ئه‌ڤه هه‌موو چ ترسه ژ كۆمپانیه‌كا نوو دروست بووی؟
پشتی نموونا “DeepSeek” به‌رده‌ست بوویی، ترس د ناڤ دولا سلیكونی دا په‌یدا بوویه، ژ به‌ر ڤی به‌رنامه‌ی یێ كو هه‌ڤركیا باشترین به‌رنامێن چاتێ یێن جیهانی دكه‌ت و ب تێچوویه‌كێ گه‌له‌ك كێمتر. ل سه‌ر وان پارچێن شیانێن كێم ژی هه‌ین كار دكه‌ت.
دبیت ده‌ركه‌فتنا “DeepSeek” خاله‌كا كوژه‌ك بیت بۆ وان كه‌سێن باوه‌ری ب وێ چه‌ندێ هه‌ی كو زیره‌كیا ده‌ستكرد پێدڤی ب هێزه‌كا گه‌له‌ك باش هه‌یه دا كو پێش بكه‌ڤیت.
دانلودكرنا “DeepSeek”
ئه‌ڤ ئه‌پلیكه‌یشنا چینی ملیۆنه‌ك و 600 هزار جاران هاتیه دانلۆدكرن د ماوێ كێمتر ژ هه‌یڤه‌كێ دا و ل رێزا ئێكێ هات د عه‌مبارێن ئه‌پلیكه‌یشنێ ئایفۆنێ دا، ل ئوسترالیا و كه‌نه‌دا و چین و سه‌نگافور و ئه‌مریكا و بریتانیا.
ماركێتان چاوان سه‌ره‌ده‌ری ل گه‌ل كر؟
پشكێن ئه‌مریكی هاتنه خوار و كۆمپانیا nvidia نیڤا بهایێ خوه یێ بازاری ژ ده‌ست دا ژ به‌ر هاتنا ڤی به‌رنامێ چینی و كارتێكرنه‌كا به‌رچاڤ ل هه‌موو وان به‌رنامان كریه یێن د ڤی واری دا كار دكه‌ن.
DeepSeek د هه‌ڤركیا ChatGPT و Meta AI دا
د ده‌ركه‌فتنا خوه یا ئێكێ دا، وه‌سان دیار دبیت كو زیره‌كیا ده‌ستكرد ل ده‌ف “DeepSeek” باشتره ژی ژ هه‌ر ئێك ژ دووماهی ڤێرژنێ OpenAI و تێچوویێ وێ ژی گه‌له‌ك كێمتره ژ وی تێچوویێ بۆ باشترین ڤێرژنێ OpenAI یێ كۆمپانیا Meta د وارێ زیره‌كیا ده‌ستكرد دا مه‌زاختی.
