وەغەرا خێرێ بیت باب!
بەرهەڤکرن: شیان مەهدی کانیسارکی
تابلۆیێ ب ناڤێ (وەغەرا خێرێ بیت بابۆ)٭ کۆ ژ لایێ شێوەکارێ هولەندی»بڕناڕد بلۆمێرز»٭ ل سالا 1885ێ، کۆ دەربڕینێ ژ خواترخواستنا دەیکێ و زارۆکان بۆ بابێ دەمێ دویردکەڤیت و دچیتە ڕێکەکا نەزڤڕینێ. دەربڕینێ ژ ڕۆژانێن وی سەردەمی دکەت یێ ئەو وەلات کۆ هولەندایە، تێدا دبوری کۆ دویماهیێن چەرخێ نۆزدێ بوون. ئەم یێ دبینین دناڤەڕۆکا وێنەی دا ڕاستە ژنەک یا ڕاوەستیایە ل سەر لێڤا دەریایی، کۆ کچا خوە یا بچۆیک بلندکرییە داکۆ خاترێ ژ بابێ خوە بخوازیت ئەڤێ یێ دیارە کو دێ چیتە ڕێکەکا یا دەریایی، بڕەخ وێ ڤە کچکە بچۆیک یا ڕاوەستیایە کو کراسێ دەیکا خوە ب توندی یێ گرتی کو ب هیڤی و سەرسۆرمانی تەماشەی وان پێلێن دەریایی دکەت یێن بابێ وێ بەرەڤ ڕێکا نەزڤڕینێ دبەن.
ئەگەر ئەم پتر تەماشەی هویربینیێن تابلۆیی بکەین دێ دلۆڤانیێ، هیڤیێ، حەزژێکرنێ، خەریبیێ و خواترخواستنێ تێدا بینین، کۆ دیار دبیت ژ لڤینێن کچکا ل ملێ دەیکێ و سەرۆچاڤێن دەیکێ و ڕۆندکێن وێ یێن دیارنەکەن! ئەو خەمباریا دەیکێ یا دکەڤیتە ناڤبەرا هێزێ و خەمێ، ژبلی دیمەنێ ب ترس و بێ دلۆڤانی یێ دەریایێ، کۆ دەربڕینە بۆ ژێکڤەبوونەکا درێژ. هەروەسان وێنە ژدویرڤە ژی پێناسەیەکا تەحله بۆ ژیانێ و زکڕەشی و تۆندیا وێ. بڕناڕد بلۆمێڕز٭ ێ هولەندی «1845-1914ز» ئێک بۆ ژ ئەندامێن کارا یێن قوتابخانەیا The Hague School کۆ گرۆپەکێ هونەرمەندان ل ژ سالا1860 هەتا 1890ێ ز دامەزراندبوو.
