ل دهۆكێ ئەسانسۆرەك كەفتە خوارێ و شەش كەس برینداربوون
زنار تۆڤی:
مەتین جەمیل، پەیڤدارێ رێڤەبەرییا گشتییا ساخلەمییا پارێزگەها دهۆكێ، بۆ رۆژناما ئەڤرۆ دیار كر، ژ ئەگەرێ كەفتنە خوارا ئەسانسۆرەكێ ل پڕۆژەكێ ئاكنجیبوونێ ل تاخێ ئێتیتێ ل دهۆكێ، كو شەش كەس د وێ ئاسانسۆرێ دابوون، هەر شەش كەس برینداربووینە و هەموو هاتینە ڤەگوهاستن بۆ نەخۆشخانا هەو‌ارهاتنێ ل دهۆكێ.
مەتینی گۆت: «پشتی ئەو بریندارە هاتینە ڤەگوهاستن بۆ نەخۆشخانێ و چارەسەرییا پێدڤی بۆ هاتییە كرن و نوكە ئەو كەسە ل ژێر چاڤدێرییا نۆشداران دانە، هەروەسا ئەو ئەسانسۆرە ژ قاتێ یازدێ كەفتییە خوارێ.
