مەترسی ل سەر بەرهەمێ ئەڤ سالە یـێ جۆتیاران هەیـە
هەولێر، قائید میرۆ:
بریكارێ وەزارەتا چاندنێ هۆشداریێ ددەت و دبێژیت: ئەڤ سالە رێژەیەكا كێم یا بارانێ باریە و مەترسی ل سەر بەرهەمێ گەنمێ جۆتیاران هەیە.
كەریم سلێمان، بریكارێ وەزارەتا چاندنێ بۆ رۆژناما ئەڤرۆ دیاركر، هژمارەكا زۆرا جۆتیارێن هەرێمێ، ژ بەر مەترسیێن نەهاتنا بارانێ زەڤیێن خۆ نەكێلاینە و بەرهەم نەچاندیە، هژمارەكا دی ژی بەرهەمێ خۆ چاندیە، بەلێ ژ بەر نەبوونا بارانێن پێدڤی مەترسی ل سەر بەرهەمێ وان هەیە و گۆت: «ئەڤسالە هەتا نوكە ئەو رێژەیا پێدڤی یا بارانێ نەبارییە، كو بەرهەم شین ببیت».
كەریم سلێمان گۆتژی: « هەر ژ نوكە نەشێم بێژم هشكەسالیە، چونكی هێشتا دەم یێ مای، بەلێ ئەگەر ببیتە هشكەسالی، دڤێت حوكمەت و لایەنێن پەیوەندیدار بڕیارێ ل دۆر هشكەسالیێ بدەن، لەوڕا هەتا نوكە چو بەرهەڤی و پلان بۆ هشكەسالیێ نینن».
