گوهۆڕینێن ل سووریێ ب دلێ تورکیا نینن
فەهیم تاشتەکین بسپۆرێ کاروبارێن رۆژهەلاتا ناڤین دیار کر، سەرەدانا ئەحمەد شەرع یا بۆ عەرەبستانا سعوودیێ و پشتەڤانیا ئەمریکا و گەلەک وەلاتێن دی یێن جیهانێ بۆ کوردێن سووریێ وەسا کریە کو گوهۆڕینێن نها ل سووریێ روو ددەن ب دلێ تورکیا نەبن، چونکی تورکیا دڤیا ببیتە هێزا هەری کاریگەر و سەرەکی و خوەدان بریار ل سووریێ، لێ نها رەوشەکا نوو هاتیە پێش.
ناڤهاتی ئەو یەک ژی دیار کریە، سەرەدانا ئەحمەد شەرع یا بۆ عەرەبستانێ نیشا ددەت کو سەرۆک کۆمارێ بەروەخت یێ سووریێ دڤێت پەیوەندیێن سووریێ ل گەل وەلاتێن عەرەبی ب تایبەتی ژی سعوودیێ بهێز بکەت و سعوودیێ ژی ل دژی بهێزبوونا پێگەهێ تورکیا ل سووریێ یە، ژ بەر ڤێ یەکێ ژی تورکیا ژ سەرەدانا ئەحمەد شەرع دلگرانە و هەروەسا سیاسەتا ئەمریکا و وەلاتێن رۆژئاڤایی ل دۆر سووریێ ژی بوویە جهێ دلگرانیا تورکیا.
