ئەم یێ بزاڤان دكه‌ین 321 ملیۆن دیناران بۆ یانه‌یا دهۆكێ وەربگرین
زنار تۆڤی:
د داخویانیەكێ دا چیایی ته‌یمور عەبدال، ئه‌ندامێ په‌رله‌مانێ عیراقێ ژ فراکسیۆنا پارتی دیموکراتی کوردستان، بۆ رۆژناما ئەڤرۆ دیاركر: به‌ری نوكه محه‌مه‌د شیاع سوودانی سه‌رۆكوه‌زیرێن عیراقێ بریاردابوو 321 ملیۆن دیناران بۆ یانا دهۆكێ بمه‌زێخیت، وه‌كو پشته‌ڤانییه‌ك بۆ پشكدارییا وێ یانێ د كۆپا یانه‌یێن كه‌نداڤی دا، لێ هەتا نوکە ئەو پارە بۆ یانا دهۆکێ نەهاتییە مەزاختن.
ناڤهاتی گۆت ژی: گه‌نجینا گشتی یا ئیراقێ ره‌تكرییه وی كوژمێ پارەیی، یێ کو سه‌رۆك وه‌زیرێن ئیراقێ بۆ یانا دهۆكێ ته‌رخانكری بمه‌زێخیت، لەوما نوكه ئه‌و و شاخه‌وان عه‌بدوللا جێگرێ سه‌رۆكێ په‌رله‌مانێ ئیراقێ، كاری بۆ مه‌زاختنا وی پاره‌یی دكه‌ن، هیڤییا وان ئه‌وه ل ده‌مه‌كێ نێزیك بشێن وی پاره‌یی بۆ یانه‌یا دهۆكێ وەربگرن.
هەروەسا ئەو چەند ژی دیارکر: حکومەتا عێراقێ بۆ هەر یانەکا پشکدار د خۆلا ستێرێن ئیراقێ دا، چار ملیار دینار بۆ مەزاختینە و ب تنێ یانێن هەرێما کوردستانێ ئەو پارە وەرنەگرتییە، لەوما د نوکە دا، بزاڤێن مە د بەردەوامن، داکو یانێن هەرێمێ ژی یێن پشکدار د خۆلا ستێرێن عێراقێدا وی کوژمێ پارەیی وەربگرن.
بۆ زانین تیما یانەیا دهۆك د خولا ستێرێن ئیراقێ خودانا 31 خالانە ل رێزا پێنجێ ل سەر لیستا خولێ دهێت ژ نەهـ سەركەفتن، چار وەكهەڤی و چار خوسارەتی هەنە، هەروەسان بۆ جارا ئێكی یە د دیرۆكا دا خوە پشكداری د كۆپا كەنداڤی بۆ قارەمانێن وەلاتێ كەنداڤی دكەت.
