لاڤرۆڤ: دڤێت چاڤەرێی گوهۆڕینێن مەزن بین ل دەڤەرێ
سیرگێی لاڤرۆڤ وەزیرێ دەرڤە یێ رۆسیا دیار کر، ترامپی دڤێت ب هەموو رەنگەکێ پشتەڤانیا بەرنامێن ئسرائیلێ بۆ رۆژهەلاتا ناڤین بکەت و سەرەدانا سەرۆک وەزیرێن ئسرائیلێ یا بۆ ئەمریکا ژی د راستی دا بۆ ڤێ یەکێ یە دا ئەمریکا پشتەڤانیێ ل بەرنامێن ئسرائیلێ یێن بۆ رۆژهەلاتا ناڤین بکەت.
ناڤهاتی ئەو یەک ژی دیار کر، ترامپ وەسا دبینیت پێدڤیە ئاخا ئسرائیلێ بەرفرەهتر لێ بهێت، ژ بەر ڤێ یەکێ ژی ئەمریکا ب هەموو شیانێن خوە پشتەڤانیێ ل ڤێ یەکێ دکەت دا هێزێن ئسرائیلێ ل لوبنانێ و سووریێ بمینن، بێگومان هندەک ژ وەلاتێن عەرەبی ژی ژ بۆ بەرژەوەندیێن خوە پشتەڤانیێ ل بەرنامێ ئسرائیلێ و ئەمریکا دکەن، ژ بەر ڤێ یەکێ ژی ب پشتەڤانیا ترامپی دێ گوهۆڕینێن مەزن ل رۆژهەلاتا ناڤین روو دەن.
