بالندەیەكێ چەنگ شكەستی
سالح حەكیم
ما كەنگی بالندە
ب پەرێن شكەستی دفڕن
سەر بانێ عەسمانی دبنە
رۆناهی و گەشە ستێر
نێ ئەو خەونا پشت عەورانە
ئەلندا ئارمانجێ ناهەلیت
كیژان سەنفۆنی
خەیالا هاڤی
ب حەزا وێڤە دسۆژینیت
ئۆمێدا دبوهۆژینیت
ئاخ ما ئەو دلدارێ
پرسا ئەڤینێ نەزانیت
كەنگی ل پایسكا پێناسەیا
داستانا ئەڤینا
خەچ و سیامەندی هەلچوویە؟
نێ ئەو نیگاركێشن
یا گڕۆڤریا دێما
رۆژێ ب دەستكرد وێنەدكری
پەیڤا خامی گەوهەرەكە
تەڤ عاشقا دگڕنژینیت
دیرۆكا وێ سەر لاپەرێ
دلێ بێ مرادیێ
دنەخشینیت
ب ناڤەرۆكا وێ ڕۆمانا
بێ مانا خوە نەخاپینن
ئەو گڕگڕا عەورێن بێ بارانن
ل هنداڤی زۆزان و
مێرگە گول و گیای چو
ئۆمێدا ژێ نابارن.
