سامسۆنگ مۆبایله‌كێ به‌رهه‌م دئینیت کو سێ جاران بچه‌میێت

هنده‌ك ژ نووچه‌یێن هاتینه‌ ڤه‌دزین ژ كۆمپانیا سامسۆنگ وه‌سان دده‌نه‌ دیاركرن كو كۆمپانیا ناڤبری خوه‌ ئاماده‌ ددكه‌ت دا كو مۆبایلا خوه‌ یا سێ جاركی ڤه‌دشكێت (Galaxy G Fold) بێخیته‌ د بازاری دا، یا هه‌ڤده‌مه‌ ل گه‌ل زنجیره‌یا مۆبایلێن وێ یێن ڤه‌ دچه‌میێن. كو دێ ب ناڤێ (Galaxy Z Fold 7)بیت.
دهێته‌ چاڤه‌رێكرن كو ئه‌ڤ دانه‌یا بهێت سیسته‌مێ ته‌زاندنێ باشتر تێدا كار بكه‌ت كو دێ ژووره‌كا هه‌لمێ یا زێده‌تر بۆ ته‌زاندنێ بۆ هێته‌ به‌رهه‌مئینان. دا كو كونترۆلا گه‌رماتیا مۆبایلێ ب ره‌نگه‌كێ باشتر بكه‌ت ب تایبه‌ت بۆ وان كارێن پێدڤی ب هێزه‌كا زێده‌ هه‌یین.
ڤان نووچه‌یێن هاتینه‌ ڤه‌دزین ل دۆر ڤێ مۆبایلێ ئاماژێ ب وێ چه‌ندێ ژی دكه‌ن كو ئه‌ڤ مۆبایله‌ دێ هه‌لگرا چاره‌سه‌ركاره‌كێ Snapdragon 8 Elite for Galaxy بیت ئه‌ڤه‌ ژی دێ هێزه‌كا گه‌له‌ك زێده‌تر ده‌ته‌ ڤێ مۆبایلێ هه‌ڤبه‌ركی ل گه‌ل یێن به‌ری نها ئه‌وێن ب چاره‌سه‌ركارێ كوالكوم یێ نورمال كار دكه‌ت ژ لایێ كاری و شیانان ڤه‌.
دهێته‌ پێشبینكرن هه‌ر د ڤێ مۆبایلا (Galaxy Z Fold 7) بلندگویێن ده‌نگی ژی گه‌له‌ك ب باشی بهێنه‌ ئاماده‌ كرن، ئه‌ڤه‌ ژی دێ كوالێتیا ده‌نگی ژی باشتر لێ كه‌ت و ده‌نگێ تله‌فۆنان ژی باشتر لێ كه‌ت.

کۆمێنتا تە