پێدڤییە وەزارەتا پەترۆلا فیدرال دەست ب پێرابوونێن تەكنیكی بۆ هنارتنا پەترۆلا هەرێمێ بكەت
وەزارەتا سامانێن سروشتی ل حوكمەتا هەرێما كوردستانێ د بەیاننامەیەكێدا راگەهاند: پەسەندكرنا قانوونا بۆدجەیا گشتییا ئیراقێ تایبەت ب تێچوویێ دەرئینان و ڤەگوهاستنا پەترۆلا هەرێمێ ل جڤاتا نوونەرێن ئیراقێ پێنگاڤەكا ئەرێنی بوو.
وەزارەتا سامانێن سروشتی ل حوكمەتا هەرێما كوردستانێ د بەیاننامەیا خوەدا بەلاڤكر» پەسەندكرنا راستڤەكرنا قانوونا بۆدجەیا گشتییا ئیراقێ تایبەت ب تێچوویێ دەرئینان و ڤەگوهاستنا پەترۆلا هەرێما كوردستانێ ل جڤاتا نوونەرێن ئیراقێ، هەروەسا دەستپێكرنا هنارتنا پەترۆلا هەرێما كوردستانێ، پێنگاڤەكا ئەرێنییە بۆ گەهشتن ب چارەسەرییا دوماهیێ یا دۆسێیا پەترۆلێ».
د بەیاننامەیێدا هاتیە ژی» هیڤیدارین ئەڤ پێنگاڤە دەستپێكا قۆناغەكا نوو بیت ژ چارەسەركرنا هەموو كێشەیان، هەروەسا وەزارەتا پەترۆلا فیدرالی كاری بۆ بجهئینانا قانوونێ و دەربازكرنا هەموو كێشەیان و بەرهەڤكرنا پێرابوونێن تەكنیكی بكەت».
