چار هزار و 605 خانیێن زێدەگاڤی ل سەنتەرێ دهۆكێ دێ هێنە تاپۆكرن
زنار تۆڤی:
ئیسماعیل مستەفا، بەرپرسێ ڕاگەهاندنا سەرۆكاتییا باژێرڤانییا دهۆكێ بۆ رۆژناما ئەڤرۆ دیار كر، ل دووڤ نڤیسارا وەزارەتا باژێرڤانیێ یا حكومەتا هەرێمێ، ئەوا ل 15ی مەها بۆری گەهشتییە رێڤەبەرییا وان، ئەو كەسێن هەتا 9/9/2024ێ، مامەلەیێن تاپۆكرنا خانیێن خۆ یێن زێدەگاڤی پێشكێش كرین، خانیێن وان دێ بۆ هێنە تاپۆكرن.
ناڤهاتی گۆت: «سێ هزار و 505 مامەلە ژ باژێرڤانییا رۆژهەلات و هزار 100 مامەلە ژ باژێرقانیا رۆژئاڤا گەهشتینە مە، ئەو مامەلە هەموو دێ هێنە تەمامكرن و خانیێن وان دێ هێنە تاپۆكرن، نوكە رێكارێن 798 خانییان تەمام بووینە و یێن دیتر نوكە كار ل سەر دهێتە كرن، ئەو خانییە هەموو بۆ خودانێن وان دێ هێنە تاپۆكرن، لێ ئەو خانیێن دكەڤنە بەر نەخشێ بنیاتی ناهێنە تاپۆكرن».
