شەڕێ توركیا و پەكەكێ زیان گەهاندییە تۆڕا كارەبا دەڤەرا ئامێدیێ
ئامێدیێ، مەحمود نهێلی:
پشتی دو رۆژان ژ ئەگەرێ شەڕێ د ناڤبەرا پەكەكێ و توركیا دا، هێلا 33 كەیڤی یا كارەبێ بۆ وەستەگەها دێرەلۆكێ ڤەدگوهێزیت هاتیە بڕین، لێ هاتە سەخبێكرن و دووبارە كارەب بۆ ناوچەدارییا دێرەلۆكێ هاتە ڤەگەڕاندن.
ئەندازیار ئارام جەلال، رێڤەبەرێ كارەبا دەڤەردارییا ئامێدیێ بۆ رۆژناما ئەڤرۆ دیار كر، تیمێن سەخبێرییا كارەبێ رابوونە ب سەخبێركرنا هێلا 33 كەیڤی یا وەستگەها دێرەلۆكێ، كو ژ ئەگەرێ شەڕێ پەكەكێ و توركیا ل رۆژا ئەینییا بۆری قەتیا بوو، لەو هێلا كارەبێ بۆ وەستگەها دێرەلۆكێ هاتبوو بڕین، لێ تیمێن سەخبێریا هێلا سەر ب رێڤەبەریا ڤەگوهاستنا دهۆكێ و سەخبێریا دێرەلۆكێ كارەب ڤەگەڕاندە وەستگەها دێرەلۆكێ ڤە.
ناڤهاتی گۆت: «پشتی دو رۆژان ئەم شیاین وێ ئاریشێ چارە بكەین و دووبارە كارەب بۆ وان گوندان هاتە ڤەگەراندن».
